IND vs ENG / એક જ મેચમાં બે સદી ફટકારી છતાં પણ રિષભ પંતને મળ્યો ઠપકો, ICCના નિયમનું કર્યું ઉલ્લંઘન
છેલ્લું અપડેટ : 24 Jun 2025
લીડ્સ ટેસ્ટ રિષભ પંત માટે હંમેશા માટે યાદગાર બની ગઈ છે. તેણે ટેસ્ટની બંને ઈનિંગ્સમાં સદી ફટકારી. તે આવું કરનારો વિશ્વનો માત્ર બીજો અને ભારતનો પહેલો વિકેટકીપર બેટ્સમેન છે. તે વિદેશી ધરતી પર આવું કરનારો પહેલો વિકેટકીપર બેટ્સમેન પણ બની ગયો છે. રમતના ચાર દિવસ પૂરા થઈ ગયા છે, એક દિવસ બાકી છે અને આ છેલ્લા દિવસે નક્કી થશે કે કઈ ટીમ મેચ જીતશે. દરમિયાન, રિષભ પંતને ઠપકો આપવામાં આવ્યો છે. પંતે ICCના નિયમોનું ઉલ્લંઘન કર્યું હતું, તેનું પરિણામ તેને ભોગવવું પડશે.
અમ્પાયરના નિર્ણય પર નારાજગી વ્યક્ત કરવી પંતને ભારે પડી
લીડ્સ ટેસ્ટ દરમિયાન, જ્યારે ઈંગ્લેન્ડની ટીમ બેટિંગ કરી રહી હતી, તે સમયે રિષભ પંત અમ્પાયર પાસે ગયો અને બોલ ગેજમાંથી બોલ કાઢવાનું કહે છે. એકવાર અમ્પાયર આવું કરે છે, પરંતુ પંત તેનાથી સંતુષ્ટ નહતો અને અમ્પાયરને ફરીથી તે કરવાનું કહ્યું. આ વખતે અમ્પાયરે તેને ના પાડી દીધી. આનાથી નિરાશ થઈને, પંત બોલ હાથમાં લઈને જમીન પર જોરથી પછાડે છે. આ રિષભ પંતની પોતાની નારાજગી વ્યક્ત કરવાની રીત હતી, પરંતુ ICC એ તેને આ વાતને ગંભીરતાથી લીધી છે.
ICC એ પંતને સજા ફટકારી
હવે એવું સામે આવ્યું છે કે રિષભ પંત ICC આચારસંહિતાનો દોષિત સાબિત થયો છે. તેને ઠપકો આપવામાં આવ્યો છે, તેમજ ICC એ તેને સજા ફટકારતા તેના ખાતામાં એક ડિમેરિટ પોઈન્ટ ઉમેર્યો છે. જોકે, હાલમાં આની કોઈ અસર નહીં થાય. પંતે લેવલ 1નું ઉલ્લંઘન કર્યું છે. એવું કહેવાય છે કે પંતે પોતાનો ગુનો સ્વીકારી લીધો છે, તેથી આમાં વધુ કોઈ વાત નહીં કરવામાં આવે.
ડિમેરિટ પોઈન્ટની શું અસર થશે
પંતને ડિમેરિટ પોઈન્ટ આપવાથી હાલમાં કોઈ અસર નહીં થાય. પરંતુ ICCની નિયમ એવો છે કે જો કોઈ ખેલાડીને 24 મહિના એટલે કે બે વર્ષના સમયગાળામાં ચાર કે તેથી વધુ ડિમેરિટ પોઈન્ટ મળે છે, તો તેના પર કેટલીક મેચ રમવા પર પ્રતિબંધ મૂકવામાં આવે છે. જોકે, પંતને પહેલીવાર આ ડિમેરિટ પોઈન્ટ આપવામાં આવ્યો છે.
પંતે બંને ઈનિંગ્સમાં શાનદાર બેટિંગ કરી
રિષભ પંતે મેચની પહેલી ઈનિંગમાં 178 બોલમાં 134 રન બનાવ્યા હતા. જેમાં 12 ચોગ્ગા અને 6 છગ્ગાનો સમાવેશ થાય છે. આ પછી, જ્યારે તે બીજી ઈનિંગમાં બેટિંગ કરવા આવ્યો ત્યારે તેણે 140 બોલમાં 118 રન બનાવ્યા. આ વખતે તેણે 15 ચોગ્ગા અને 3 છગ્ગા ફટકાર્યા હતા. હવે પંત ભારતના તે પસંદગીના ખેલાડીઓમાંથી એક બની ગયો છે જેમણે ટેસ્ટ મેચની બંને ઈનિંગમાં સદી ફટકારી છે.
