IPL FINAL: RCB સતત બીજા વર્ષે ચેમ્પિયન; કોહલીની ફિફ્ટી, ગુજરાતના બેટ્સમેનોનું કંગાળ પ્રદર્શન

અમદાવાદના નરેન્દ્ર મોદી સ્ટેડિયમમાં રમાયેલી IPL 2026ની ફાઈનલ મેચમાં રોયલ ચેલેન્જર્સ બેંગ્લોરે પ્રભાવશાળી દેખાવ કરતાં ગુજરાત ટાઈટન્સને 5 વિકેટે હરાવ્યું, આ સાથે જ RCBએ વર્ષ 2025 બાદ 2026માં પણ IPL ટાઈટલ પોતાને નામ કર્યું, મહત્વનું છે કે ટોસ જીતીને પ્રથમ બોલિંગ કરતાં રોયલ ચેલેન્જર્સ બેંગ્લોરે ગુજરાત ટાઈટન્સને 155 રન પર રોકી દીધું હતું, જે બાદ RCBએ 156 રનનો ટાર્ગેટ આસાનીથી ચેઝ કરી લીધો અને બીજી વાર IPL ચેમ્પિયન બનવાનું ગૌરવ મેળવ્યું છે. આ મેચમાં કોહલીએ 42 બોલમાં 75 રન ફટકાર્યા હતા. 

આ પણ વાંચો :

IPL 2026 FINAL GT VS RCB: ગુજરાતના બેટર્સનું ખરાબ પ્રદર્શન, RCBને આપ્યો માત્ર 156 રનનો ટાર્ગેટ

IPL 2026: વૈભવ સૂર્યવંશી ઓરેન્જ કેપ જીતનારો સૌથી યુવા બેટર, ઇમર્જિંગ પ્લેયર ઓફ ધ યરનો ઍવોર્ડ જીતવા માટે પણ પ્રબળ દાવેદાર

ગુજરાતના 20 ઓવરમાં 155 રન 

ફાઈનલમાં ગુજરાત ટાઈટન્સના બેટરો કોઈ કાઠું કાઢી શક્યા નહીં, હોમ ગ્રાઉન્ડ મોદી સ્ટેડિયમમાં ગુજરાતની ટીમ માત્ર 20 ઓવરમાં 155 રન જ બનાવી શકી, સુંદરે 37 બોલમાં અણનમ 50 રન બનાવ્યા, જ્યારે ગિલ 10 રન, સાઈ 12 રન તો બટલરે માત્ર 19 રન બનાવ્યા, RCB માટે રાસીખ સલામ ડારે ત્રણ વિકેટ તો ભુવનેશ્વર કુમાર અને હેઝલવૂડે બે-બે વિકેટ ચટકાવી હતી. 

બંને ટીમોની પ્લેઇંગ ઇલેવન

ગુજરાત ટાઇટન્સ: સાઈ સુદર્શન, શુભમન ગિલ (કેપ્ટન), જોસ બટલર (વિકેટકીપર), વોશિંગ્ટન સુંદર, રાહુલ તેવટિયા, નિશાંત સિંધુ, જેસન હોલ્ડર, રાશિદ ખાન, કાગિસો રબાડા, અરશદ ખાન, મોહમ્મદ સિરાજ

રોયલ ચેલેન્જર્સ બેંગલુરુ: વિરાટ કોહલી, દેવદત્ત પડિક્કલ, રજત પાટીદાર (કેપ્ટન), જીતેશ શર્મા (વિકેટકીપર), ટિમ ડેવિડ, કૃણાલ પંડ્યા, રોમારિયો શેફર્ડ, ભુવનેશ્વર કુમાર, જેકબ ડફી, જોશ હેઝલવુડ, રસિખ સલામ ડાર