VIDEO: KKRના અંગકૃષ રઘુવંશીને ફટકારવામાં આવ્યો દંડ, ગુસ્સામાં બેટ અને હેલ્મેટ ફેંકવાની મળી સજા
છેલ્લું અપડેટ : 27 Apr 2026
IPL 2026માં વિવાદાસ્પદ આઉટ થયા બાદ કોલકાતા નાઈટ રાઇડર્સના યુવા બેટ્સમેન અંગકૃષ રઘુવંશીનો ગુસ્સો મોંઘો સાબિત થયો. તેને તેની મેચ ફીના 20 ટકા દંડ અને ડિમેરિટ પોઈન્ટ આપવામાં આવ્યો છે.
અંગક્રિશ રઘુવંશી પર દંડ ફટકારવામાં આવ્યો
IPLના સત્તાવાર નિવેદન અનુસાર, રઘુવંશીને મેદાનમાં સાધનોના દુરુપયોગ સંબંધિત લેવલ 1 ગુનામાં દોષિત ઠેરવવામાં આવ્યો હતો. બેટ્સમેને પોતાની ભૂલ સ્વીકારી લીધી છે.
વિવાદાસ્પદ આઉટ કેવી રીતે થયો?
આ ઘટના પ્રિન્સ યાદવ દ્વારા ફેંકવામાં આવેલી પાંચમી ઓવરમાં બની હતી. જ્યારે રઘુવંશીએ બોલ મિડ-ઓન તરફ રમ્યો અને તરત જ રન માટે દોડ્યો, પરંતુ નોન-સ્ટ્રાઈકર એન્ડ પર ઉભેલા ગ્રીને તેને પાછો મોકલી દીધો. રઘુવંશી પાછો ફરી રહ્યો હતો ત્યારે મોહમ્મદ શમીએ સ્ટ્રાઈકર એન્ડ પર બોલ ફેંક્યો. રઘુવંશી બોલની લાઈનમાં આવ્યો અને ડાઇવ મારી. ફિલ્ડિંગ ટીમે 'ઓબ્સ્ટ્રક્ટિંગ ધ ફિલ્ડ' માટે અપીલ કરી, જેને થર્ડ અમ્પાયરે સ્વીકારી અને રઘુવંશીને આઉટ જાહેર કર્યો.
આ નિર્ણય પછી તે ગુસ્સે થઈ ગયો. ગુસ્સામાં તેણે પહેલા પોતાના બેટ બાઉન્ડ્રી કુશન પર માર્યું અને પછી ગુસ્સાથી પોતાનું હેલ્મેટ ડગઆઉટ તરફ ફેંકી દીધું.
KKR કેમ્પમાં અસંતોષ
આ નિર્ણયથી KKR કેમ્પમાં સ્પષ્ટપણે અસંતોષ ફેલાયો. રઘુવંશીએ અમ્પાયર સાથે દલીલ કરી, જ્યારે આસિસ્ટન્ટ કોચ શેન વોટસન અને હેડ કોચ અભિષેક નાયર પણ અધિકારીઓ સાથે ચર્ચા કરતા જોવા મળ્યા હતા.
