VIDEO: દીપ્તિ શર્માનું મોટું કારનામું, T20 મેચમાં પાંચ વિકેટ ઝડપીને દિગ્ગજોની યાદીમાં થઈ શામેલ
છેલ્લું અપડેટ : 26 Apr 2026
ભારતીય મહિલા ટીમ હાલમાં સાઉથ આફ્રિકાના પ્રવાસે છે. બંને ટીમો વચ્ચે પાંચ મેચની T20 સિરિઝ રમાઈ રહી છે. અત્યાર સુધી ચાર મેચ રમાઈ છે, જેમાં સાઉથ આફ્રિકા 3-1થી આગળ છે. સાઉથ આફ્રિકાએ સિરીઝની પહેલી ત્રણ મેચ જીતી હતી, જ્યારે ટીમ ઈન્ડિયાએ ચોથી મેચ 14 રનથી જીતી હતી. ચોથી મેચમાં ટીમ ઈન્ડિયાની જીતમાં દીપ્તિ શર્માએ મુખ્ય ભૂમિકા ભજવી હતી.
દીપ્તિ શર્માએ પાંચ વિકેટ લઈને નોંધપાત્ર સિદ્ધિ હાંસલ કરી
દીપ્તિ શર્માએ ચોથી T20માં બેટથી શાનદાર પ્રદર્શન કર્યું. તેણે 26 બોલમાં 36 રન બનાવ્યા, જેમાં પાંચ ચોગ્ગાનો સમાવેશ થાય છે. ત્યારબાદ તેણે બોલ સાથે પણ શાનદાર પ્રદર્શન કરતા પાંચ વિકેટ લીધી. આ પાંચ વિકેટ ઝડપીને, તેણે એક મોટી સિદ્ધિ હાંસલ કરી છે. તે મહિલા આંતરરાષ્ટ્રીય ક્રિકેટમાં તમામ ફોર્મેટમાં પાંચ વિકેટ હોલ ઝડપનારી માત્ર ચોથી ખેલાડી બની ગઈ છે.
દીપ્તિ શર્મા દિગ્ગજ ખેલાડીઓની યાદીમાં જોડાયા
મહિલા આંતરરાષ્ટ્રીય ક્રિકેટના તમામ ફોર્મેટમાં પાંચ વિકેટ હોલ લેનાર બોલર્સની વાત કરીએ તો, ભૂતપૂર્વ ભારતીય મહિલા ખેલાડી ઝુલન ગોસ્વામી આ સિદ્ધિ મેળવનાર પ્રથમ ખેલાડી હતી. આ યાદીમાં આગળ ઈંગ્લેન્ડની ભૂતપૂર્વ મહિલા ક્રિકેટર જેની ગન છે. તેણે પણ આંતરરાષ્ટ્રીય ક્રિકેટના ત્રણેય ફોર્મેટમાં પાંચ વિકેટ હોલ લીધો છે. ઓસ્ટ્રેલિયાની એશ્લે ગાર્ડનર પણ આ યાદીમાં સામેલ છે, જેણે ત્રણેય ફોર્મેટમાં પાંચ વિકેટ હોલ લીધો છે. હવે, દીપ્તિ શર્મા આ દિગ્ગજ ખેલાડીઓની યાદીમાં જોડાઈ ગઈ છે.
દીપ્તિ શર્માએ કઈ બેટ્સમેનોને પવેલિયન મોકલી?
આ મેચમાં પહેલા બેટિંગ કરતા ભારતે સાઉથ આફ્રિકા માટે 186 રનનો ટાર્ગેટ રાખ્યો હતો. આ ટાર્ગેટ ચેઝ કરતા, સાઉથ આફ્રિકાને ક્રાંતિ ગૌડ દ્વારા પહેલો ઝટકો લાગ્યો. ગૌડે પ્રોટીઝ કેપ્ટન લૌરા વોલ્વાર્ડટ (18) ને બોલ્ડ કરી. ત્યારબાદ દીપ્તિ શર્માએ યજમાન ટીમને બે ઝડપી ઝટકા આપ્યા. ભારતીય ઓફ-સ્પિનરે સન લુસ (40) અને એનીરી ડેરેકસેન (9) ને બોલ્ડ કરી. ત્યારબાદ ટીમ ઈન્ડિયાએ વાપસી કરી અને સાઉથ આફ્રિકાને 171/9 સુધી મર્યાદિત કરી દીધું. દીપ્તિએ મિડલ ઓર્ડરની બેટ્સમેન કાયલા રેનેકે (21) અને લોઅર ઓર્ડરની બેટ્સમેન આયાબોંગા ખાકા (1) અને તુમી સેખુકુને (4) ને પણ આઉટ કરી. કાશ્વી ગૌતમ, શ્રીચરણી અને શેફાલી વર્માને પણ 1-1 વિકેટ મળી હતી.
ભારત માટે જેમીમાહ અને દીપ્તિએ શાનદાર બેટિંગ કરી
સાઉથ આફ્રિકાએ ટોસ જીતીને ભારતને પ્રથમ બેટિંગ માટે આમંત્રણ આપ્યું. ભારતીય ઓપનર શેફાલી વર્મા (9) અને અનુષ્કા શર્મા (27) વહેલી આઉટ થઈ ગઈ. જેમિમા રોડ્રિગ્સ (43), કેપ્ટન હરમનપ્રીત કૌર (22), દીપ્તિ શર્મા (36*) અને રિચા ઘોષ (34*) ની ઈનિંગ્સની મદદથી ભારતે 20 ઓવરમાં 5 વિકેટે 185 રન બનાવ્યા. મેચમાં જેમિહ રોડ્રિગ્સ ભારતની સૌથી વધુ રન બનાવનાર ખેલાડી હતી.