ત્રણ વર્ષ બાદ ભારતમાં IPL ઓક્શનની વાપસી થશે, અરુણ ધુમલે આપ્યું અપડેટ; ગોવામાં લાગશે ખેલાડીઓ પર બોલી
છેલ્લું અપડેટ : 24 Sept 2026
ઈન્ડિયન પ્રીમિયર લીગ (IPL) ની આગામી સિઝન માટે ઓક્શન ડિસેમ્બરમાં ગોવામાં યોજાવાની ધારણા છે. લીગના ચેરમેન અરુણ ધુમલે સમાચાર એજન્સી PTIને આ વાતની પુષ્ટિ કરી છે.
આ સાથે ત્રણ વર્ષ પછી ભારતમાં IPL ઓક્શનનું કમબેક થશે. અગાઉના ત્રણ ઓક્શન દુબઈ, જેદ્દાહ અને અબુ ધાબીમાં યોજાયા હતા. PTI સાથે વાત કરતા ધુમલે કહ્યું, "અમે ગોવાને અંતિમ સ્વરૂપ આપ્યું છે. 15-16 ડિસેમ્બર સંભવિત તારીખો હોઈ શકે છે."
ઓક્શન એક જ દિવસનું હશે
ધૂમલે અગાઉ જણાવ્યું હતું કે ભારતમાં ઓક્શન ફરીથી યોજવાના પ્રયાસો ચાલી રહ્યા છે. હવે તેમના નિવેદન સાથે, આ પ્રયાસો સફળ થતા દેખાય છે. તેમણે એમ પણ કહ્યું કે આ વખતે ઓક્શન ફક્ત એક દિવસ માટે યોજાશે, કારણ કે તે એક મિની ઓક્શન છે.
ધુમલે અગાઉ કહ્યું હતું કે, "દર વર્ષે અમે ભારતમાં ઓક્શન કરાવવા માંગતા હતા, પરંતુ લગ્નની સિઝનને કારણે, અમને કોઈ વેન્યુ ન મળી શક્યું. આ વર્ષે, અમે ઈચ્છતા હતા કે ઓક્શન ભારતમાં થાય. આ વખતે એક નાની ઓક્શન થશે, અને આશા છે કે, અમને વેન્યુ મળી જશે."
તૈયારીઓ શરૂ થશે
ઓક્શનનો મહિનો પૂર્ણ થયા પછી બધી ફ્રેન્ચાઈઝીઓ તેમની તૈયારીઓ વધુ તીવ્ર બનાવશે. હાલમાં, બધી ફ્રેન્ચાઈઝીઓ ઓક્શનની તૈયારીઓ અને ટીમ વ્યૂહરચના ઘડવામાં વ્યસ્ત હશે. ચેન્નાઈ સુપર કિંગ્સે તાજેતરમાં તેના નવા કોચની જાહેરાત કરી હતી અને ઓક્શનના સમાચાર સાથે તેની તૈયારીઓને વેગ મળશે.