VIDEO: SRH vs KKR / જીતની હેટ્રિક લગાવવા માંગશે કોલકાતા, હૈદરાબાદની નજર ટેબલ ટોપર બનવા પર
છેલ્લું અપડેટ : 03 May 2026
મજબૂત બેટિંગ પ્રદર્શનને કારણે ટાઈટલના દાવેદાર તરીકે ઉભરી આવેલી સનરાઈઝર્સ હૈદરાબાદ રવિવારે કોલકાતા નાઈટ રાઇડર્સ (KKR) સામેની IPL મેચમાં પોતાની જીતનો સિલસિલો ચાલુ રાખવા માટે કોઈ કસર નહીં છોડે. દરમિયાન, અજિંક્ય રહાણેની કેપ્ટનશિપ હેઠળ કોલકાતા અત્યાર સુધી સંઘર્ષ કરી રહ્યું છે, પરંતુ તેણે છેલ્લી બે મેચ જીતી છે.
તે આ દસ ટીમોની ટુર્નામેન્ટમાં આઠમા ક્રમે છે. અભિષેક શર્મા અને હેનરિક ક્લાસેન અત્યાર સુધી ટુર્નામેન્ટમાંસૌથી વધુ રન બનાવનારા બેટ્સમેનની યાદીમાં બીજા અને ત્રીજા ક્રમે છે. ઈશાન કિશનના રૂપમાં, સનરાઇઝર્સ પાસે વધુ એક વિસ્ફોટક બેટ્સમેન છે જે કોઈપણ દિવસે એકલા હાથે મેચનું પાસું બદલી શકે છે અને તેણે આ સિઝનમાં આ સાબિત કર્યું છે.
ટ્રેવિસ હેડની ફોર્મમાં વાપસી
ઓસ્ટ્રેલિયન ઓપનિંગ બેટ્સમેન ટ્રેવિસ હેડે પણ ફોર્મમાં શાનદાર વાપસી કરી છે, તેણે સનરાઈઝર્સની છેલ્લી મેચમાં મુંબઈ ઈન્ડિયન્સ સામે 76 રન બનાવ્યા હતા. તેની ઈનિંગે સનરાઈઝર્સને 18.4 ઓવરમાં છ વિકેટ ગુમાવીને 243 રનનો વિશાળ ટાર્ગેટ ચેઝ કરવામાં મદદ કરી હતી. જરૂર પડ્યે નીતિશ કુમાર રેડ્ડી અને સલીલ અરોરાએ શાનદાર પ્રદર્શન કર્યું છે. સનરાઈઝર્સની મજબૂત બેટિંગને જોતાં, KKRના બોલર્સે તેમને રોકવા માટે વધારાના પ્રયાસ કરવા પડશે.
કેપ્ટન પેટ કમિન્સની વાપસીથી સનરાઈઝર્સની બોલિંગ મજબૂત બની છે. પ્રફુલ હિંગે, ઈશાન મલિંગા, રેડ્ડી અને શાકિબ હુસૈન પણ સારું પ્રદર્શન કરી રહ્યા છે. સનરાઈઝર્સે બંને ટીમો વચ્ચેની છેલ્લી મેચ 65 રનથી જીતી હતી, તેથી તેઓ વધુ આત્મવિશ્વાસ સાથે મેદાનમાં ઉતરશે.
રહાણેએ કેટલીક મેચમાં સારું પ્રદર્શન કર્યું
2025ના નિરાશાજનક અભિયાન છતાં KKRએ રહાણેને કેપ્ટન તરીકે જાળવી રાખ્યો હતો, પરંતુ બેટ્સમેન અત્યાર સુધી ટીમને પ્રેરણા આપવામાં નિષ્ફળ રહ્યો છે. તેણે બેટ્સમેન તરીકે કેટલીક મેચમાં સારું પ્રદર્શન કર્યું છે, પરંતુ કેપ્ટન તરીકે તેના કેટલાક નિર્ણયો શંકાસ્પદ રહ્યા છે. એ જોવાનું બાકી છે કે KKR આખરે રચિન રવિન્દ્રને ટીમમાં સમાવશે કે કેમ, કારણ કે તે ઘણા સમયથી બેન્ચ પર છે.
ફિન એલન અને ટિમ સાઈફર્ટ પણ અપેક્ષાઓ પર ખરા ઉતરવામાં નિષ્ફળ રહ્યા છે, જ્યારે અંગક્રિશ રઘુવંશી, કેમેરોન ગ્રીન અને રોવમેન પોવેલ જેવા ખેલાડીઓ હજુ સુધી અપેક્ષા મુજબ પ્રદર્શન નથી કરી શક્યા. KKR નબળા ફાસ્ટ બોલિંગ એટેક અને સ્પિન બોલર વરુણ ચક્રવર્તીની બિનઅસરકારકતાથી પણ પરેશાન છે. બોલિંગમાં, ટીમ મુખ્યત્વે અનુકુલ રોય, વૈભવ અરોરા અને કાર્તિક ત્યાગી જેવા સ્થાનિક ખેલાડીઓ પર નિર્ભર છે.
IPL 2026 માટે બંને ટીમો
સનરાઇઝર્સ હૈદરાબાદ: પેટ કમિન્સ (કેપ્ટન), સલિલ અરોરા (વિકેટકીપર), ઈશાન કિશન (વિકેટકીપર), હેનરિક ક્લાસેન (વિકેટકીપર), ટ્રેવિસ હેડ, અનિકેત વર્મા, અભિષેક શર્મા, હર્ષ દુબે, ક્રેન્સ ફુલેત્રા, લિયામ લિવિંગસ્ટોન, કમિન્ડુ મેન્ડિસ, નીતિશ કુમાર રેડ્ડી, હર્ષલ પટેલ, શિવમ માવી, શિવાંગ કુમાર, અમિત કુમાર, ગેરાલ્ડ કોટ્ઝી, પ્રફુલ હિંગે, શાકિબ હુસૈન, દિલશાન મદુશંકા, ઈશાન મલિંગા, ઓમકાર તરનાલે, જયદેવ ઉનડકટ, ઝીશાન અંસારી.
કોલકાતા નાઈટ રાઈડર્સ: અજિંક્ય રહાણે (કેપ્ટન), મનીષ પાંડે, રોવમેન પોવેલ, અંગક્રિશ રઘુવંશી, રમણદીપ સિંહ, રિંકુ સિંહ, સુનીલ નારાયણ, અનુકુલ રોય, વૈભવ અરોરા, ઉમરાન મલિક, વરુણ ચક્રવર્તી, કેમેરોન ગ્રીન, મથીશા પથિરાના, રાહુલ ત્રિપાઠી, ટિમ સાઈફર્ટ, તેજસ્વી દહિયા, રચિન રવિન્દ્ર, આકાશ દીપ, બ્લેસિંગ મુઝરાબાની, નવદીપ સૈની, પ્રશાંત સોલંકી, ફિન એલન, દક્ષ કામરા, કાર્તિક ત્યાગી, સાર્થક રંજન, સૌરભ દુબે.
