VIDEO: GT vs PBKS / ગુજરાત સામેની મેચમાં વાપસી પર હશે પંજાબની નજર, નરેન્દ્ર મોદી સ્ટેડિયમમાં રમાશે રોમાંચક મેચ
છેલ્લું અપડેટ : 03 May 2026
પંજાબ કિંગ્સની જીતનો સિલસિલો તેની પાછલી મેચમાં તૂટી ગયો હતો અને તે આજે (3 મે) રમાનારી IPL મેચમાં ગુજરાત ટાઈટન્સ સામે તેના અભિયાનને પાટા પર લાવવાનો પ્રયાસ કરશે. રાજસ્થાન રોયલ્સે આ અઠવાડિયાની શરૂઆતમાં પંજાબ કિંગ્સનો વિજય રથ રોક્યો હતો.
જોકે પંજાબ કિંગ્સ આઠ મેચમાં 13 પોઈન્ટ સાથે ટેબલમાં ટોપ પર છે, રોયલ ચેલેન્જર્સ બેંગલુરુ, સનરાઈઝર્સ હૈદરાબાદ અને રાજસ્થાન રોયલ્સ તેનાથી માત્ર એક પોઈન્ટ પાછળ છે. સતત છ જીત સાથે શરૂઆતની લીડ મેળવનાર પંજાબ કિંગ્સને તેના બોલિંગ વિભાગ અંગે કેટલીક ચિંતાઓ છે. પંજાબના બેટ્સમેનોથી વિપરીત, તેના બોલર્સ નિરંતરતા નથી જાળવી શક્યા.
તેના બેટ્સમેનોના સારા પ્રદર્શનને કારણે તેના બોલર્સની ખામીઓ સ્પષ્ટ નથી થતી, પરંતુ ટુર્નામેન્ટ હવે નિર્ણાયક તબક્કામાં પહોંચી ગઈ છે અને કોઈપણ નબળાઈ ટીમ માટે મોંઘી સાબિત થઈ શકે છે. બોલર્સની નિષ્ફળતા પંજાબના બેટ્સમેન પર દબાણ લાવી રહી છે, જેઓ કા તો મોટા લક્ષ્યોનો પીછો કરવા અથવા પહેલા બેટિંગ કરતી વખતે મોટો સ્કોર કરવા માટે મજબૂર છે.
આવી સ્થિતિમાં, પંજાબે હવે વધુ સ્પષ્ટ રણનીતિ સાથે મેદાનમાં ઉતરવું પડશે. પંજાબની ફિલ્ડિંગ પણ નબળી રહી છે, અને તેમણે ઘણા કેચ છોડ્યા છે. ટીમ મેનેજમેન્ટને આ ક્ષેત્ર પર પણ કામ કરવાની જરૂર છે. જોકે, બેટિંગ પંજાબની સૌથી મોટી તાકાત છે. ઓપનર પ્રિયાંશ આર્યા અને પ્રભસિમરન સિંહે સારી શરૂઆત આપી છે, જ્યારે કૂપર કોનોલીએ પણ રન બનાવ્યા છે. કેપ્ટન શ્રેયસ અય્યરની આગેવાની હેઠળના મિડલ ઓર્ડરે મજબૂત સ્કોર બનાવવા અથવા લક્ષ્યોનો પીછો કરવા સક્ષમ સાબિત થયા છે.
વધુ પડતી નિર્ભરતા ટીમ માટે ચિંતાનું કારણ
ગુજરાત ટાઈટન્સ સતત બે મેચ જીત્યા પછી આ મેચમાં પ્રવેશ કરશે. જોકે, તેનું અભિયાન અસમાન રહ્યું છે. ચેન્નાઈ સુપર કિંગ્સ અને પછી RCB સામે સતત જીત બાદ, ટાઈટન્સ 10 પોઈન્ટ સાથે ટેબલમાં પાંચમા સ્થાને છે. ગુજરાતની બેટિંગ તેના ટોચના ત્રણ બેટ્સમેનોની આસપાસ ફરે છે, સાઈ સુદર્શન, કેપ્ટન શુભમન ગિલ અને જોસ બટલર. આ ત્રણ પર વધુ પડતી નિર્ભરતા ટીમ માટે ચિંતાનો વિષય છે.
હોલ્ડરે મજબુતી આપી
વોશિંગ્ટન સુંદરે મિડલ ઓર્ડરમાં સારું પ્રદર્શન કર્યું છે, પરંતુ શાહરૂખ ખાન અને રાહુલ તેવતિયા જેવા ફિનિશર્સ હજુ સુધી કોઈ અસર નથી કરી શક્યા. ટીમને સંતુલન પૂરું પાડવા માટે જેસન હોલ્ડરને મિડલ ઓર્ડરમાં સામેલ કરવામાં આવ્યો હતો અને તેણે ડિફેન્ડિંગ ચેમ્પિયન RCB સામેની જીતમાં મુખ્ય ભૂમિકા ભજવી હતી. વેસ્ટ ઈન્ડિઝ આ બોલરે તેની ચાર ઓવરમાં 29 રન આપીને બે વિકેટ લીધી અને ત્રણ કેચ પણ લીધા હતા.
છેલ્લી મેચમાં ગુજરાત માટે બીજો પ્રોત્સાહક સંકેત તેની બોલિંગ હતી. બોલિંગ આક્રમણ વધુ શિસ્તબદ્ધ દેખાયું. નિર્ણાયક તબક્કામાં લેંથના વધુ સારા નિયંત્રણ અને સુધારેલા અમલ સાથે, તેણે RCBને 155 રનમાં ઓલઆઉટ કર્યું હતું.
IPL 2026 માટે બંને ટીમો
ગુજરાત ટાઈટન્સઃ શુભમન ગિલ (કેપ્ટન), જોસ બટલર, કુમાર કુશાગરા, ગ્લેન ફિલિપ્સ, રાશિદ ખાન, માનવ સુથાર, નિશાંત સિંધુ, વોશિંગ્ટન સુંદર, ગુરનુર બરાર, અરશદ ખાન, મોહમ્મદ સિરાજ, પ્રસિદ્ધ કૃષ્ણા, કાગીસો રબાડા, રવિશ્રીનિવાસન સાઈ કિશોર, જયંત યાદવ, ઈશાંત શર્મા, અશોક શર્મા, જેસન હોલ્ડર, ટોમ બેન્ટન, લ્યુક વુડ, સાઈ સુદર્શન, એમ શાહરૂખ ખાન, અનુજ રાવત, કુલવંત ખેજરોલિયા, રાહુલ તેવટિયા.
પંજાબ કિંગ્સ: શ્રેયસ અય્યર (કેપ્ટન), પ્રિયાંશ આર્યા, હરનુર સિંહ, પ્રભસિમરન સિંહ, મિચેલ ઓવેન, નેહલ વાઢેરા, અઝમતુલ્લા ઓમરઝઈ, માર્કો યાનસન, મુશિર ખાન, શશાંક સિંહ, માર્કસ સ્ટોઈનિસ, સૂર્યાંશ શેડગે, અર્શદીપ સિંહ, ઝેવિયર બાર્ટલેટ, યુઝવેન્દ્ર ચહલ, લોકી ફર્ગ્યુસન, હરપ્રીત બરાર, વિજયકુમાર વિશાક, યશ ઠાકુર, કૂપર કોનોલી, બેન દ્વારશુઈસ, પ્રવીણ દુબે, વિશાલ નિષાદ, પાઈલા અવિનાશ, વિષ્ણુ વિનોદ.
