હર્ષિત રાણા અફઘાનિસ્તાન સામેની T20I સિરીઝમાંથી થઈ શકે છે બહાર, જસપ્રીત બુમરાહ અને નીતિશ કુમારની ઈજા પર આવ્યું અપડેટ
છેલ્લું અપડેટ : 10 Sept 2026
અફઘાનિસ્તાન સામેની ત્રણ મેચની T20I સિરીઝ પહેલા ટીમ ઈન્ડિયાને મોટો ઝટકો લાગ્યો છે. ફાસ્ટ બોલર હર્ષિત રાણા સિરીઝમાંથી બહાર થઈ શકે છે. રાણાને તેની ફિટનેસના આધારે ભારતીય ટીમ માટે પસંદ કરવામાં આવ્યો હતો, પરંતુ હવે અહેવાલો સૂચવે છે કે તે અફઘાનિસ્તાન સામેની સિરીઝ ચૂકી શકે છે.
રાણા ઉપરાંત, જસપ્રીત બુમરાહ, નીતિશ કુમાર રેડ્ડી અને વોશિંગ્ટન સુંદરની ઈજાઓ અંગે પણ અપડેટ્સ સામે આવ્યા છે. આ બધા ખેલાડીઓ અફઘાનિસ્તાન સિરીઝ સાથે એશિયન ગેમ્સ 2026 માટે પણ ટીમનો ભાગ છે. બધા ખેલાડીઓની ફિટનેસના આધારે અફઘાનિસ્તાન સિરીઝ માટે પસંદગી કરવામાં આવી હતી અને રાણાની ભાગીદારી અસંભવિત લાગે છે.
હર્ષિત રાણા T20I સિરીઝમાંથી બહાર થઈ શકે છે
હર્ષિત રાણાને ઈંગ્લેન્ડ પ્રવાસ દરમિયાન ઈજા થઈ હતી, ત્યારબાદ તે ભારત પરત ફર્યો હતો. રાણા અગાઉ ઈજાગ્રસ્ત થયો હતો અને IPL 2026 ચૂકી ગયો હતો. એક અહેવાલ મુજબ, રાણા અફઘાનિસ્તાન સામેની આગામી શ્રેણી માટે રમતમાંથી બહાર થઈ શકે છે. BCCIના એક સૂત્રએ PTIને જણાવ્યું હતું કે, "તે હજુ સુધી તેની હેમસ્ટ્રિંગ ઈજામાંથી સંપૂર્ણપણે સ્વસ્થ નથી થયો. તેને વધુ સમયની જરૂર છે."
જસપ્રીત બુમરાહ પણ ઈજાગ્રસ્ત છે
ઈંગ્લેન્ડ પ્રવાસ દરમિયાન અનુભવી ફાસ્ટ બોલર જસપ્રીત બુમરાહ પણ ઈજાગ્રસ્ત થયો હતો. સુંદરને પણ તે જ પ્રવાસમાં ઈજા થઈ હતી. બુમરાહનો અફઘાનિસ્તાન સિરીઝ અને એશિયન ગેમ્સ માટે ટીમમાં સમાવેશ કરવામાં આવ્યો છે. જોકે, તેની સ્થિતિ અંગે સકારાત્મક સમાચાર સામે આવ્યા છે. અહેવાલો દર્શાવે છે કે બુમરાહ સારી રીતે સ્વસ્થ થઈ રહ્યો છે. સુંદરને પણ ઈજા થઈ હતી પરંતુ તેને ફિટ જાહેર કરવામાં આવ્યો છે. જસપ્રીત બુમરાહ અને રેડ્ડીનું રિહેબ પણ ટ્રેક પર છે.
અફઘાનિસ્તાન સિરીઝ પછી ટીમ ઈન્ડિયા એશિયન ગેમ્સમાં જોવા મળશે
અફઘાનિસ્તાન સામેની T20I સિરીઝ 13 સપ્ટેમ્બરથી શરૂ થશે. ત્રણેય મેચ દિલ્હીના અરુણ જેટલી સ્ટેડિયમમાં રમાશે. આ પછી, ટીમ ઈન્ડિયા એશિયન ગેમ્સ માટે રવાના થશે, જ્યાં તેને 28 સપ્ટેમ્બરે ક્વાર્ટર ફાઈનલ મેચ રમવાની છે.
