VIDEO: FIFA 2026 / રોમાંચક બની ગોલ્ડન બૂટની રેસ, મેસ્સીને એમબાપ્પે અને હાલેન્ડ તરફથી મળી રહી છે ટક્કર
છેલ્લું અપડેટ : 09 Jul 2026
ફિફા વર્લ્ડ કપ 2026માં ભાગ લેનારી 64 ટીમોમાંથી હવે ફક્ત આઠ ટીમો બાકી છે અને 56 ટીમો બહાર થઈ ગઈ છે. વર્લ્ડ કપનો ક્વાર્ટર-ફાઇનલ તબક્કો 10 જુલાઈથી શરૂ થશે, જેના પર બધાની નજર હશે. ફેન્સ ગોલ્ડન બૂટની પણ આતુરતાથી રાહ જોઈ રહ્યા છે. હાલમાં, ડિફેન્ડિંગ ચેમ્પિયન આર્જેન્ટિનાનો કેપ્ટન લિયોનેલ મેસ્સી રેસમાં આગળ છે, પરંતુ તેને કિલિયન એમબાપ્પે અને એર્લિંગ હાલેન્ડ તરફથી ટક્કર મળી રહી છે. ગોલ્ડન બૂટ ટુર્નામેન્ટમાં સૌથી વધુ ગોલ કરનાર ખેલાડીને આપવામાં આવે છે, જ્યારે બીજા અને ત્રીજા સ્થાને રહેલા ખેલાડીઓને સિલ્વર અને બ્રોન્ઝ બૂટ મળે છે.
મેસ્સીએ અત્યાર સુધીમાં 8 ગોલ કર્યા છે
આર્જેન્ટિનાએ રાઉન્ડ ઓફ 16માં શાનદાર પ્રદર્શન કર્યું છે, જેમાં ઇજિપ્ત સામેની તેની છેલ્લી મેચમાં 2-0થી પાછળ રહ્યા બાદ અંતિમ ક્ષણોમાં 3-2થી જીત મેળવીને વાપસી કરી અને ક્વાર્ટર-ફાઈનલમાં સ્થાન મેળવ્યું. લિયોનેલ મેસ્સીનો ગોલ, તેનો ત્રીજો ગોલ, આર્જેન્ટિનાની જીતમાં મહત્ત્વપૂર્ણ સાબિત થયો. આ સાથે, તેણે ટુર્નામેન્ટના ગોલ્ડન બૂટ માટેની રેસમાં ફરીથી લીડ મેળવી લીધી છે. મેસ્સીએ અત્યાર સુધીમાં 8 ગોલ કર્યા છે, ત્યારબાદ કિલિયન એમબાપ્પે 7 ગોલ અને 2 આસિસ્ટ સાથે બીજા ક્રમે છે. નોર્વેનો એર્લિંગ હાલેન્ડ ત્રીજા ક્રમે છે, બંનેએ 7-7 ગોલ કર્યા છે. ક્વાર્ટર ફાઈનલમાં, જ્યારે ત્રણેય ખેલાડીઓ તેની ટીમોને સેમીફાઈનલમાં પહોંચવામાં મદદ કરવા પર ધ્યાન કેન્દ્રિત કરશે, ત્યારે તેઓ ગોલ કરવા અને રેસમાં રહેવા માટે પણ પ્રયત્નશીલ રહેશે.
મેસ્સીએ હજુ સુધી ગોલ્ડન બૂટ નથી જીત્યો
ફૂટબોલની દુનિયાના મહાન ખેલાડીઓમાંના એક ગણાતા લિયોનેલ મેસ્સીએ હજુ સુધી પોતાની કારકિર્દીમાં ગોલ્ડન બૂટ નથી જીત્યો. 2022 માં છેલ્લા વર્લ્ડ કપમાં મેસ્સીએ સાત ગોલ કર્યા હતા, જે બીજા સ્થાને રહ્યો હતો. દરમિયાન, કિલિયન એમબાપ્પે આઠ ગોલ સાથે ગોલ્ડન બૂટ જીત્યો હતો. લિયોનેલ મેસ્સી પાસે આ વખતે આ એવોર્ડ જીતવાની સારી તક છે.
