T20 વર્લ્ડ કપનો બહિષ્કાર કરવા છતાં બાંગલાદેશને નહીં થાય કોઈ સજા, ICCએ દંડને બદલે આપી મોટી ભેટ
ભારતમાં રમાઈ રહેલા T20 વર્લ્ડ કપનો બહિષ્કાર કરવા મામલે ICCએ બાંગ્લાદેશને માફી આ
ભારતમાં રમાઈ રહેલા T20 વર્લ્ડ કપનો બહિષ્કાર કરવા મામલે ICCએ બાંગ્લાદેશને માફી આપી છે. બાંગ્લાદેશ જીદ કરી રહ્યું હતું કે તેની ટીમના ખેલાડી મેચ રમવા માટે ભારત નહીં આવે, કારણ કે તેમની સુરક્ષાને ખતરો છે. જે બાદ ICCએ બાંગલાદેશને બદલે સ્કોટલેન્ડની ટીમને ટુર્નામેન્ટમાં સામેલ કરી. જે બાદથી જ અટકળો લાગી રહી હતી કે ICC બાંગ્લાદેશ ક્રિકેટ બોર્ડ વિરુદ્ધ કાર્યવાહીની જાહેરાત કરી શકે છે.
બાંગ્લાદેશને ICCએ મોટું ઈનામ આપ્યું
ઈન્ટરનેશનલ ક્રિકેટ બોર્ડે બાંગ્લાદેશ વિરુદ્ધ કોઈ પણ કાર્યવાહી ન કરવાની જાહેરાત કરી છે. બાંગ્લાદેશ પર કોઈ જ આર્થિક, સ્પોર્ટિંગ કે એડમિનિસ્ટ્રેટિવ દંડ નહીં ફટકારવામાં આવે. એક્શન તો દૂરની વાત ICCએ બાંગ્લાદેશને મોટી ભેટ પણ આપી દીધી છે. 2028થી 2031ની વચ્ચે બાંગ્લાદેશમાં ICCની એક મોટી ટુર્નામેન્ટ યોજાશે.
પાકિસ્તાનના લાહોરમાં યોજાઈ હતી બેઠક
બાંગ્લાદેશને T20 વર્લ્ડ કપથી બહાર કર્યા બાદથી જ પાકિસ્તાન ક્રિકેટ બોર્ડ પણ જાતજાતની ધમકીઓ આપી રહ્યું હતું. એવામાં લાહોરમાં પાકિસ્તાન અને બાંગ્લાદેશના ક્રિકેટ બોર્ડ તથા ICCની બેઠક યોજાઈ હતી. જેમાં નિર્ણય લેવામાં આવ્યો કે બાંગ્લાદેશ વિરુદ્ધ કોઈ જ કાર્યવાહી નહીં કરવામાં આવે. નોંધનીય છે કે વર્ષ 2031માં બાંગ્લાદેશ અને ભારત ODI વર્લ્ડ કપની મેજબાની કરશે. તે પહેલા બાંગ્લાદેશમાં ICCની ટુર્નામેન્ટ કરાવવામાં આવશે.
