Asian Games 2026 પહેલા ભારત માટે માઠાં સમાચાર! 5 ખેલાડીઓને ન મળ્યા વિઝા
છેલ્લું અપડેટ : 15 Sept 2026
એશિયન ગેમ્સ 2026ના પ્રારંભમાં હવે ગણતરીના જ દિવસો બાકી રહ્યા છે. મોટાભાગના ખેલાડીઓ આ મલ્ટી સ્પોર્ટ્સ ઈવેન્ટ માટે જાપાન પહોંચી ચૂક્યા છે અને કેટલાક પહોંચવાના બાકી છે, જેથી મુકાબલા પહેલા ત્યાંના વાતાવરણમાં પોતાની જાતને ઢાળી શકે. પરંતુ ઈવેન્ટ શરૂ થાય તે પહેલા જ ભારતની ચિંતા લગભગ પાંચ ખેલાડીઓને લઈને વધી ગઈ છે. 74 સભ્યો ધરાવતી ભારતીય એથ્લેટિક્સ ટીમના કેટલાક સભ્યોને હજુ સુધી વિઝા મંજૂરી મળી નથી. જોકે મોટાભાગના સભ્યો એશિયન ગેમ્સ (આઈચી-નાગોયા) પહેલા ટોક્યો નજીકના એક નાના 'એક્લિમિટાઈઝેશન કેમ્પ' (નવા વાતાવરણમાં ઢળવા માટેનો કેમ્પ) માટે જાપાન પહોંચી ચૂક્યા છે.
જાણવા મળ્યું છે કે લગભગ 4-5 એથ્લેટ્સને હજુ સુધી વિઝા મળ્યા નથી, પરંતુ એથ્લેટિક્સ ફેડરેશન ઓફ ઈન્ડિયા (AFI) ના અધિકારીઓને આશા છે કે આ મુદ્દો ટૂંક સમયમાં ઉકેલાઈ જશે. શક્યતા છે કે AFI એથ્લેટ્સને વિઝા મેળવવામાં મદદ કરવા માટે સરકારનો સંપર્ક કરશે. આઈચી-નાગોયા એશિયન ગેમ્સમાં એથ્લેટિક્સ ઈવેન્ટ્સ 23 સપ્ટેમ્બરથી શરૂ થશે. રિપોર્ટ અનુસાર એક સોર્સે જણાવ્યું કે વિઝા અને પાસપોર્ટ એડમિનિસ્ટ્રેશનની એક પ્રમુખ આઉટસોર્સિંગ કંપની વીએફએસ (VFS) એ ભારપૂર્વક કહ્યું છે કે અરજીઓ ત્યાં જ કરવી જોઈએ, જ્યાં પાસપોર્ટ ઈશ્યૂ કરવામાં આવ્યા હોય.
એક્લિમિટાઈઝેશન કેમ્પમાંથી બહાર થઈ શકે છે
સોર્સનું કહેવું છે કે અમને આશા છે કે આ મામલો ટૂંક સમયમાં ઉકેલાઈ જશે. આવી પરિસ્થિતિમાં જે એથ્લેટ્સના વિઝામાં વિલંબ થયો છે, બની શકે કે તેમણે 'એક્લિમિટાઈઝેશન કેમ્પ' (નવા વાતાવરણમાં ઢળવા માટેનો ટ્રેનિંગ કેમ્પ) માં ઓછો સમય વિતાવવો પડે અથવા તો તેઓ સીધા નાગોયામાં બાકીની ટીમ સાથે જોડાય.
જો ખેલાડીઓ નવા વાતાવરણમાં ઢળવા માટેના ટ્રેનિંગ કેમ્પમાં ઓછો સમય વિતાવે અથવા સીધા ટીમ સાથે જોડાય તો બની શકે કે આ તેમના માટે એક ગેરફાયદો પણ સાબિત થઈ શકે છે. આ દરમિયાન બાકીના એથ્લેટ્સ ટોક્યો પાસે આવેલી સુકુબા યુનિવર્સિટી પહોંચી ગયા છે. તેઓ ત્યાં 20 સપ્ટેમ્બર સુધી ટ્રેનિંગ કરશે અને પછી એથ્લેટિક્સ ઈવેન્ટ્સ શરૂ થવાના બે દિવસ પહેલા નાગોયા પહોંચશે.