VIDEO: અભિષેક શર્માએ ઝિમ્બાબ્વે સામે રચ્યો ઈતિહાસ, T20Iમાં ખાસ સિદ્ધિ હાંસલ કરનાર પ્રથમ ભારતીય ખેલાડી બન્યો
છેલ્લું અપડેટ : 26 Jul 2026
ઓપનિંગ બેટ્સમેન અભિષેક શર્માએ ઝિમ્બાબ્વે સામેની ત્રીજી T20Iમાં ઈતિહાસ રચ્યો છે. અભિષેકે ઝિમ્બાબ્વે પ્રવાસ પર બેટથી નિરાશ કર્યા છે, હજુ સુધી અડધી સદી નથી ફટકારી. બીજી મેચમાં પણ તેણે બેટથી સંઘર્ષ કર્યો હતો, 8 બોલમાં 8 રન બનાવીને આઉટ થયો હતો. જોકે, તેણે બોલ સાથે સારું પ્રદર્શન કર્યું.
કેપ્ટન શ્રેયસ અય્યરે તેને બીજી T20Iમાં બોલિંગ કરવાની તક આપી અને તેણે નિરાશ ન કર્યા. અભિષેકે મેચમાં સૌથી વધુ ત્રણ વિકેટ લીધી. તેણે એક એવી સિદ્ધિ હાંસલ કરી જે પહેલા કોઈ ભારતીયે હાંસલ નહતી કરી. અભિષેકે T20 ક્રિકેટમાં એક નવો ઈતિહાસ રચ્યો છે.
અભિષેક શર્માએ ઈતિહાસ રચ્યો
ભારતના ઓપનિંગ બેટ્સમેન તરીકે રમતા અભિષેક શર્માએ બોલ સાથે ત્રણ વિકેટ લીધી છે. આ સાથે તે T20 ફોર્મેટમાં ટીમ ઈન્ડિયા માટે ઓપનર તરીકે શ્રેષ્ઠ સ્પેલ કરનાર બોલર બની ગયો છે. તેના પહેલા કોઈ પણ ભારતીય ઓપનિંગ બેટ્સમેન T20 ફોર્મેટમાં બોલિંગ કરતી વખતે 3 વિકેટ નહતો લઈ શક્યો.
ટેસ્ટ ક્રિકેટમાં આ રેકોર્ડ વિનુ માંકડના નામે છે. તેણે 1952માં પાકિસ્તાન સામે શાનદાર પ્રદર્શન કરીને 52 રન આપીને 8 વિકેટ લીધી હતી. રવિ શાસ્ત્રીના નામે પણ આ રેકોર્ડ છે. શાસ્ત્રીએ 1991માં ઓસ્ટ્રેલિયા સામેની ODIમાં ઈનિંગની શરૂઆત કરી હતી અને શાનદાર બોલિંગ કરી હતી, જેમાં 15 રન આપીને 5 વિકેટ લીધી હતી. હવે, શર્માએ T20 ક્રિકેટમાં શ્રેષ્ઠ સ્પેલનો રેકોર્ડ પોતાના નામે કર્યો છે.
અભિષેક શર્માનું ખરાબ ફોર્મ
અભિષેક શર્મા છેલ્લા કેટલાક સમયથી ખરાબ ફોર્મમાં છે. T20 વર્લ્ડ કપ 2026 પછી, તેણે ટીમ ઈન્ડિયા માટે 9 T20 મેચ રમી છે, પરંતુ તે ફક્ત એક જ મેચમાં અડધી સદીના આંકડા સુધી પહોંચી શક્યો છે. ઝિમ્બાબ્વે સામેની પહેલી બે મેચમાં પણ તેનું બેટ શાંત રહ્યું છે, જ્યાં તેણે 1 અને 8 રન બનાવ્યા છે.
