Asia Cup 2025 / અભિષેક શર્માના નિશાના પર મોહમ્મદ રિઝવાનનો રેકોર્ડ, 34 રન ફટકારીને બનાવી શકે છે નવો કીર્તિમાન
એશિયા કપ 2025માં અત્યાર સુધી સૌથી વધુ ધ્યાન ખેંચનાર બેટ્સમેન ટીમ ઈન્ડિયાનો અભિષેક શર્મા
એશિયા કપ 2025માં અત્યાર સુધી સૌથી વધુ ધ્યાન ખેંચનાર બેટ્સમેન ટીમ ઈન્ડિયાનો અભિષેક શર્મા છે. ભારતીય ટીમે ટુર્નામેન્ટમાં કુલ પાંચ મેચ રમી છે, અને અભિષેક શર્માનું ફોર્મ તે બધામાં પ્રભાવશાળી રહ્યું છે, જેનાથી ટીમને મજબૂત શરૂઆત મળી છે. અભિષેક કુલ 248 રન બનાવીને હાલમાં એશિયા કપ 2025નો ટોપ રન-સ્કોરર છે. ટીમ ઈન્ડિયા, જે પહેલાથી જ ફાઈનલમાં પોતાનું સ્થાન સુરક્ષિત કરી ચૂકી છે, તેને હજુ બે મેચ રમવાની બાકી છે, જેમાં અભિષેક ભૂતપૂર્વ પાકિસ્તાની કેપ્ટન મોહમ્મદ રિઝવાનનો રેકોર્ડ તોડી શકે છે.
અભિષેક શર્મા ફક્ત 34 રન બનાવીને મોહમ્મદ રિઝવાનનો રેકોર્ડ તોડી નાખશે
T20 એશિયા કપની એક જ એડિશનમાં સૌથી વધુ રન બનાવવાનો રેકોર્ડ હાલમાં પાકિસ્તાનના ભૂતપૂર્વ કેપ્ટન મોહમ્મદ રિઝવાનના નામે છે, જેણે 2022માં 6 મેચમાં 281 રન બનાવ્યા હતા. વિરાટ કોહલી આ યાદીમાં બીજા ક્રમે છે, તેણે 2022ની એશિયા કપમાં 5 મેચમાં 276 રન બનાવ્યા હતા. અભિષેક હાલમાં 5 મેચમાં 248 રન બનાવીને યાદીમાં ત્રીજા ક્રમે છે. જો અભિષેક ફાઇનલ સહિત બાકીની બે મેચમાં વધુ 34 રન બનાવવામાં સફળ રહે છે, તો તે T20 એશિયા કપની એક જ એડિશનમાં સૌથી વધુ રન બનાવનાર ખેલાડી બની જશે.
T20 એશિયા કપના એક જ એડિશનમાં સૌથી વધુ રન બનાવનારા બેટ્સમેન
| ખેલાડી | મેચ | રન | વર્ષ |
| મોહમ્મદ રિઝવાન (પાકિસ્તાન) | 6 | 281 | 2022 |
| વિરાટ કોહલી (ભારત) | 5 | 276 | 2022 |
| અભિષેક શર્મા (ભારત)* | 5 | 248 | 2025 |
| ઈબ્રાહિમ ઝદરાન (અફઘાનિસ્તાન) | 5 | 196 | 2022 |
| બાબર હયાત (હોંગકોંગ) | 3 | 194 | 2016 |
વિરાટ કોહલીનો રેકોર્ડ તોડવાની તક
ટીમ ઈન્ડિયાનો વિસ્ફોટક ઓપનર અભિષેક શર્મા T20 એશિયા કપમાં સતત બે 50+ રનની ઈનિંગરમનાર વિરાટ કોહલી પછીનો બીજો ખેલાડી છે. જો તે 26 સપ્ટેમ્બરે શ્રીલંકા સામેની મેચમાં અડધી સદી ફટકારવામાં સફળ રહે છે, તો તે વિરાટ કોહલીનો રેકોર્ડ તોડી નાખશે.
