Unbreakable Records / ક્રિકેટના ઈતિહાસના એવા 4 મહારેકોર્ડ, જેમને તોડવા છે લગભગ અશક્ય

ક્રિકેટને ઘણીવાર "અનિશ્ચિતતાઓની રમત" કહેવામાં આવે છે. આજે બનેલો રેકોર્ડ કાલે તૂટી શકે છે. જોકે, રમતના ઈતિહાસમાં કેટલાક મહાન રેકોર્ડ એવા છે જે આવનારા દાયકાઓ સુધી પણ તૂટવાઅશક્ય લાગે છે. આ રેકોર્ડ એટલા વિશાળ, એટલા અનોખા અને એટલા અસાધારણ છે કે તેમની નજીક પહોંચવું પણ ખેલાડીઓ માટે કોઈ સપના જેવું છે. ચાલો ક્રિકેટના એવા 4 રેકોર્ડ વિશે જાણીએ જેમને તોડવા લગભગ અશક્ય છે.

જેક હોબ્સનો પહાડ જેવો રેકોર્ડ

ઈંગ્લેન્ડના દિગ્ગજ બેટ્સમેન જેક હોબ્સે ફર્સ્ટ-ક્લાસ ક્રિકેટમાં 199 સદી ફટકારી હતી, આ એક એવો રેકોર્ડ છે, જેને ક્રિકેટના ઈતિહાસનો સૌથી મોટો બેટિંગ રેકોર્ડ માનવામાં આવે છે. 29 વર્ષની કારકિર્દીમાં, હોબ્સે 834 મેચ રમી, 61,760 રન બનાવ્યા અને 273 અડધી સદી ફટકારી હતી.

તેમની સિદ્ધિ એટલી યાદગાર છે કે સચિન તેંડુલકર જેવો દિગ્ગજ ખેલાડી પણ તેના સુધી નથી પહોંચી શક્યો. આજના સમયમાં, ફર્સ્ટ-ક્લાસ મેચોમાં ઘટાડો અને આંતરરાષ્ટ્રીય ક્રિકેટ પર વધતા ધ્યાનને કારણે, હોબ્સનો રેકોર્ડ તૂટવાની શક્યતા લગભગ ખતમ થઈ ગઈ છે.

ડોન બ્રેડમેનનો રેકોર્ડ

ઓસ્ટ્રેલિયાના સર ડોન બ્રેડમેનની 99.94ની ટેસ્ટ એવરેજ રમતના સૌથી સુંદર અને અસ્પૃશ્ય આંકડાઓમાંની એક છે. જો તેમણે તેમની અંતિમ ઈનિંગમાં 4 રન બનાવ્યા હોત, તો તેની એવરેજ 100 સુધી પહોંચી ગઈ હોત. આમ છતાં, આ આંકડો સુધી હજુ પણ કોઈપણ દિગ્ગજ કે મોર્ડન બેટ્સમેન નથી પહોંચી શક્યા. 52 ટેસ્ટમાં 6996 રન બનાવનાર બ્રેડમેનનો આ રેકોર્ડ ક્રિકેટની બાઈબલ માનવામાં આવે છે અને તેને તોડવો લગભગ અશક્ય છે.

રોહિત શર્માની બેવડી સદી

ભારતીય કેપ્ટન રોહિત શર્મા ODI ફોર્મેટનો બાદશાહ છે. હિટમેનએ ODIમાં ત્રણ બેવડી સદી ફટકારી છે, જે કોઈ અન્ય બેટ્સમેન હાંસલ નથી કરી શક્યો. તેની 264 રનની ઈનિંગ હજુ પણ સૌથી મોટી ODI ઈનિંગ તરીકે અકબંધ છે. જ્યારે ODIમાં બેવડી સદી ફટકારવી મુશ્કેલ છે, ત્યારે એક ખેલાડી દ્વારા ત્રણ વખત આ સિદ્ધિ હાંસલ કરવી તેને ક્રિકેટ ઈતિહાસમાં એક અલગ લેવલ પર પહોંચાડે છે. આ રેકોર્ડ તોડવો લગભગ અશક્ય લાગે છે.

જીમ લેકરનો રેકોર્ડ

1956માં ઓસ્ટ્રેલિયા સામેની ટેસ્ટ મેચમાં 19 વિકેટ લઈને ઈંગ્લેન્ડના સ્પિનર ​​જીમ લેકરે દુનિયાને ચોંકાવી દીધી હતી. તેમણે પહેલી ઈનિંગમાં 9 અને બીજી ઈનિંગમાં 10 વિકેટ લીધી હતી. આ પરાક્રમનું પુનરાવર્તન કરવું એ કોઈ જાદુથી ઓછું નહીં હોય. એક બોલર માટે એક જ મેચમાં 19 વિકેટ લેવા માટે અનુકૂળ પિચ, સારું નસીબ અને અદ્ભુત પ્રદર્શન, આ બધું એકસાથે હોવું જોઈએ, જે આધુનિક ક્રિકેટમાં લગભગ અશક્ય છે.