મા ચંદ્રઘંટાની ઉપાસનાથી ઘરમાં આવશે સુખ-શાંતિ, વાંચો પૌરાણિક કથા અને આરતી
દર વર્ષે શારદીય નવરાત્રી આસો (અશ્વિન) સુદ એકમથી શરૂ થાય છે. આ વર્ષે શારદીય નવરાત્રી ૨૨ સપ્ટેમ્બરથી શરૂ થઈ હતી. આ મહાપર્વના ત્રીજા દિવસે જગતજનની મા દુર્ગાના ત્રીજા સ્વરૂપ એવા મા ચંદ્રઘંટાની પૂજા-અર્ચના કરવામાં આવે છે.
ધાર્મિક માન્યતા અનુસાર, મા ચંદ્રઘંટાની ઉપાસના કરવાથી ઘરમાં સુખ, શાંતિ અને સમૃદ્ધિ આવે છે. તેમને ધ્વનિ તથા શાંતિના દેવી પણ માનવામાં આવે છે. સિંહ પર સવારી કરતાં માતાજી તમામ રાક્ષસો અને નકારાત્મક શક્તિઓનો નાશ કરે છે. નવરાત્રીના ત્રીજા દિવસે ભક્તોએ મા ચંદ્રઘંટાની વિધિવત્ પૂજા કરીને વ્રત કથાનો પાઠ કરવો જોઈએ.
મા ચંદ્રઘંટાની પૌરાણિક કથા
પૌરાણિક કથા અનુસાર, મહિષાસુર નામના અત્યંત શક્તિશાળી દૈત્યએ સ્વર્ગ પર આક્રમણ કરીને દેવતાઓમાં ભયનો માહોલ પેદા કર્યો હતો અને તે ત્રણેય લોક પર પોતાનું આધિપત્ય જમાવવા માંગતો હતો. મહિષાસુરના અત્યાચારોથી ત્રસ્ત થઈને તમામ દેવતાઓ બ્રહ્મા, વિષ્ણુ અને મહેશ (ત્રિમૂર્તિ)ના શરણે ગયા અને સહાયની વિનંતી કરી.
દેવતાઓની વ્યથા સાંભળીને ત્રિદેવ અત્યંત ક્રોધિત થયા. તેમના સંયુક્ત ક્રોધ અને તેજમાંથી એક દિવ્ય દૈવી ઊર્જા પ્રગટ થઈ. આ અલૌકિક ઊર્જામાંથી દેવી દુર્ગાના ‘ચંદ્રઘંટા’ સ્વરૂપનો આવિર્ભાવ થયો. માતાજીના મસ્તક પર ઘંટડીના આકારનો અર્ધચંદ્ર શોભતો હોવાથી તેમને ‘ચંદ્રઘંટા’ નામ આપવામાં આવ્યું.
ભગવાન શિવે મા ચંદ્રઘંટાને પોતાનું ત્રિશૂળ, ભગવાન વિષ્ણુએ સુદર્શન ચક્ર અને દેવરાજ ઇન્દ્રએ પોતાનો ઘંટ અર્પણ કર્યો. તે પછી અન્ય તમામ દેવી-દેવતાઓએ પણ પોતાનાં દિવ્ય શસ્ત્રો માતાજીને સમર્પિત કર્યાં. સર્વ શસ્ત્રોથી સજ્જ થઈને મા ચંદ્રઘંટાએ મહિષાસુર સાથે ભીષણ યુદ્ધ કર્યું અને તેનો વધ કરીને સમગ્ર દેવલોક અને સૃષ્ટિને તેના આતંકમાંથી મુક્ત કર્યા.
દેવી ચંદ્રઘંટાની આરતી
जय माँ चन्द्रघण्टा सुख धाम।पूर्ण कीजो मेरे काम॥
चन्द्र समाज तू शीतल दाती।चन्द्र तेज किरणों में समाती॥
मन की मालक मन भाती हो।चन्द्रघण्टा तुम वर दाती हो॥
सुन्दर भाव को लाने वाली।हर संकट में बचाने वाली॥
हर बुधवार को तुझे ध्याये।श्रद्धा सहित तो विनय सुनाए॥
मूर्ति चन्द्र आकार बनाए।सन्मुख घी की ज्योत जलाएं॥
शीश झुका कहे मन की बाता।पूर्ण आस करो जगत दाता॥
कांचीपुर स्थान तुम्हारा।कर्नाटिका में मान तुम्हारा॥
नाम तेरा रटू महारानी।भक्त की रक्षा करो भवानी॥
