ગણેશ પૂજનમાં તુલસી અર્પણ કેમ નથી કરાતી? જાણો પૂજાનું પૂર્ણ ફળ મેળવવા માટે ખાસ ટિપ્સ
છેલ્લું અપડેટ : 13 Sept 2026
હિંદુ ધર્મમાં ગણેશ ચતુર્થી (Ganesh Chaturthi)નું પર્વ ખૂબ જ મહત્વપૂર્ણ છે. વૈદિક પંચાંગ પ્રમાણે દર વર્ષે ભાદરવા મહિનાના શુક્લ પક્ષની ચતુર્થી તિથિ પર ગણેશ ચતુર્થી ઉજવવામાં આવે છે. આ વખતે આ પર્વ 14 સપ્ટેમ્બરે ઉજવવામાં આવશે. ધાર્મિક માન્યતા પ્રમાણે આ જ તિથિએ ભગવાન ગણેશનો જન્મ થયો હતો. તેથી આ દિવસ વિશેષ રૂપે તેમને સમર્પિત છે. આ પાવન અવસર પર ગણપતિ બાપ્પાની વિશેષ પૂજા-અર્ચના કરવાનો વિધાન છે.
વાસ્તુશાસ્ત્ર ()માં પણ ભગવાન ગણેશની પૂજા સાથે જોડાયેલા ઘણા નિયમો જણાવવામાં આવ્યા છે. એવું માનવામાં આવે છે કે ગણેશજીની મૂર્તિની આસપાસ વર્જિત વસ્તુઓ રાખવાથી પૂજાનું પૂર્ણ ફળ પ્રાપ્ત નથી થતું. એવામાં એ જાણવું જરૂરી છે કે વિઘ્નહર્તા પાસે કઈ વસ્તુઓ રાખવાની ભૂલ ન કરવી જોઈએ.
ગણેશ ઉત્સવ દરમિયાન ઘરમાં સુખ-શાંતિ અને સકારાત્મક ઊર્જા જાળવી રાખવા માટે ભગવાન ગણેશની મૂર્તિની આસપાસ વાસ્તુ નિયમોનું પાલન કરવું ખૂબ જ જરૂરી છે. આવું કરવાથી જીવનમાં શુભ પરિણામો મળે છે અને ગણપતિ બાપ્પાની કૃપા સદૈવ બની રહે છે.
ભૂલથી પણ ન રાખો આ વસ્તુઓ
તુલસીના પાન
પૌરાણિક માન્યતાઓ પ્રમાણે ભગવાન ગણેશની પૂજામાં તુલસીના પાન સામેલ ન કરવા જોઈએ. તેથી ગણેશજીની મૂર્તિ પાસે કે તેમના ભોગમાં ભૂલથી પણ તુલસીના પાન ન રાખવા જોઈએ.
ચામડાની વસ્તુઓ
ભગવાન ગણેશની મૂર્તિ પાસે પર્સ, બેલ્ટ, જૂતા-ચપ્પલ કે ચામડામાંથી બનેલી કોઈ પણ વસ્તુ ન રાખવી જોઈએ. આ વસ્તુઓને પૂજા સ્થાન પર અશુદ્ધ માનવામાં આવે છે. એવું માનવામાં આવે છે કે આ ભૂલ કરવાથી ગણેશજી નારાજ થઈ શકે છે.
કચરાપેટી કે ભંગાર
ગણેશજીની પૂજા દરમિયાન મંદિરમાં સાફ-સફાઈનું વિશેષ ધ્યાન રાખો. પ્રભુની મૂર્તિ પાસે ડસ્ટબિન, સાવરણી કે કોઈ પણ પ્રકારની ગંદકી ન હોવી જોઈએ. એવું માનવામાં આવે છે કે આ વસ્તુઓને આસપાસ રાખવાથી આર્થિક મુશ્કેલીઓનો સામનો કરવો પડી શકે છે.
નકારાત્મક કે હિંસક તસવીરો
ગણેશજીની મૂર્તિ પાસે કોઈ પણ પ્રકારની નકારાત્મક કે હિંસક તસવીર ન લગાવવી જોઈએ. આ પ્રકારની તસવીરોથી નકારાત્મક ઊર્જાનો સંચાર થાય છે અને અશુભ પરિણામો મળે છે. સાથે જ, તેનાથી ઘરની શાંતિ પણ ભંગ થઈ શકે છે.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.