વાસ્તુ ટિપ્સ : ઘરમાં કરિયાણાનો સામાન ક્યાં રાખવો જોઈએ?

વાસ્તુશાસ્ત્ર અનુસાર રસોડું દક્ષિણ-પૂર્વ ખૂણામાં બનાવવું જોઈએ.  જો ત્યાં ન હોય તો તેને પૂર્વ અથવા વાયવ્ય ખૂણામાં બનાવી શકાય છે. રસોડામાં પાણી ઈશાન કે ઉત્તરમાં અને યાંત્રિક સાધનો કે ભારે વસ્તુઓ દક્ષિણ-પૂર્વ કે દક્ષિણમાં રાખો, જાણો કરિયાણું કે અનાજ કઈ દિશામાં સંગ્રહિત કરવું જોઈએ. આ સાથે જ જાણી લો કે રાંધેલું ભોજન કઈ દિશામાં રાખવું જોઈએ.
 
રસોડું ઘરની કઈ દિશામાં હોવું જોઈએ?

• રસોડાની વસ્તુઓ રાખવા માટે સ્લેબ, કબાટ વગેરે દક્ષિણ કે પશ્ચિમ દિશામાં બનાવવું વધુ સારું છે.

• કઠોળ, અનાજ અને મસાલાના સંગ્રહની વ્યવસ્થા ઉત્તર-પશ્ચિમ ખૂણામાં કરવી જોઈએ.

• વાયવ્ય ખૂણામાં અનાજ ભરીને રાખવાથી દેવી લક્ષ્મી પ્રસન્ન થાય છે અને ઘરમાં ક્યારેય પૈસા અને અનાજની અછત નથી આવતી.

•  જો ઘરના ઉત્તર-પશ્ચિમ ખૂણામાં કોઈ સ્થાન ન હોય તો તેને ઉત્તર દિશામાં રાખી શકાય.

• જો કોઈપણ સૂકા ખાદ્ય પદાર્થને લાંબા સમય સુધી સંગ્રહિત કરવો હોય તો નૈઋત્ય કોણ એ યોગ્ય દિશા છે.  આના કારણે કોઈ સંકટ નથી આવતું.

• જો રાંધેલું ભોજન હોય તો તેને ઉત્તર કે પૂર્વ દિશામાં ઢાંકીને રાખી શકાય. રેફ્રિજરેટરમાં ખોરાક ન રાખવો જોઈએ.

•  રસોડામાં સ્ટવ પૂર્વ કે દક્ષિણ-પૂર્વ ખૂણામાં હોય તો સારું છે, કારણ કે આવી સ્થિતિમાં રસોડામાં કામ કરનાર વ્યક્તિનું મુખ આપોઆપ પૂર્વ દિશા તરફ હોય છે.

• પાણીના નળ, વૉશ બેસિન, પીવાનું પાણી વગેરે રસોડાના ઉત્તર-પૂર્વ ખૂણામાં હોય તો સારું.

• પીવાનું પાણી, એક્વાગાર્ડ કે ફિલ્ટર વગેરે રસોડાના પૂર્વ કે પૂર્વ-ઉત્તર ખૂણામાં રાખો.

• વિદ્યુત ઉપકરણો જેવા કે મિક્સર, ટોસ્ટર, ઓવન વગેરેને દક્ષિણપૂર્વ કે દક્ષિણ દિશામાં રાખવાની સલાહ છે.

સૂચના : આ લેખમાં આપવામાં આવેલ માહિતી  જ્યોતિષીઓ, પંચાંગ, ધાર્મિક ગ્રંથો અને માન્યતાઓ પર આધારિત છે.  અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.