Religion: સીતા નવમી પર અજમાવો આ ઉપાયો, મનોકામના પૂર્ણ થવાની સાથે ઘરમાં આવશે સુખ-સમૃદ્ધિ
છેલ્લું અપડેટ : 24 Apr 2026
સનાતન ધર્મમાં સીતા નવમીના પર્વનું વિશેષ મહત્વ છે. પૌરાણિક માન્યતા અનુસાર, આ દિવસે માતા સીતાનો જન્મ થયો હતો. વૈષ્ણવ સંપ્રદાયમાં આ દિવસે માતા સીતા માટે ઉપવાસ રાખવાની પરંપરા છે.
આ દિવસે વ્રત રાખીને ભગવાન શ્રી રામ અને માતા સીતાની વિધિવત પૂજા-અર્ચના કરવામાં આવે છે. એવું માનવામાં આવે છે કે જે વ્યક્તિ આ દિવસે શ્રદ્ધાપૂર્વક વ્રત રાખે છે, તેને ૧૬ મહાદાન અને તમામ તીર્થોના દર્શન સમાન પુણ્યફળ પ્રાપ્ત થાય છે. તેથી, જીવનમાં સુખ-શાંતિ માટે આ દિવસનો લાભ અવશ્ય લેવો જોઈએ.
સીતા નવમી મંત્ર
સીતા નવમીના દિવસે માતા સીતા અને ભગવાન રામની કૃપા મેળવવા માટે નીચે આપેલા મંત્રોનો ઓછામાં ઓછો 11 વાર જાપ કરવો જોઈએ:
શ્રી સીતાયૈ નમઃ |
શ્રી રામાય નમઃ |
મંત્ર જાપ પૂર્ણ થયા પછી, ભગવાન રામ અને માતા સીતાને પુષ્પાંજલિ અર્પણ કરી તેમના આશીર્વાદ લેવા. આનાથી તમારી મનોકામનાઓ પૂર્ણ થાય છે.
જીવનની મુશ્કેલીઓ દૂર કરવાના વિશેષ ઉપાયો
જીવનસાથીના સ્વાસ્થ્ય માટે: જો તમારા જીવનસાથીનું સ્વાસ્થ્ય વારંવાર બગડતું હોય, તો તેમના સારા સ્વાસ્થ્ય માટે સીતા નવમીના દિવસે 400 ગ્રામ સપ્તધાન્ય લો અને તેને અલગ-અલગ મંદિરોમાં દાન કરો.
વ્યવસાયમાં પ્રગતિ માટે: જો બિઝનેસમાં અડચણો આવતી હોય, તો સીતા નવમી પર સફેદ ફૂલોના બે છોડ કુંડા સહિત ખરીદો. એક કુંડું મંદિરમાં અર્પણ કરો અને બીજું તમારા બિઝનેસ પાર્ટનરને ભેટમાં આપો.
લગ્નમાં આવતી આર્થિક અડચણો માટે: જો આર્થિક સ્થિતિને કારણે લગ્નમાં અવરોધ આવતો હોય, તો આ દિવસે દેવી લક્ષ્મી સમક્ષ ઘીનો દીવો પ્રગટાવો અને નાની કન્યાના ચરણ સ્પર્શ કરી તેના આશીર્વાદ લો.
માનસિક શાંતિ માટે: માનસિક તણાવ દૂર કરવા માટે સફેદ ગાયને ખાંડ ભેળવેલા રાંધેલા સફેદ બાસમતી ચોખા ખવડાવો અને ગૌમાતાના આશીર્વાદ લો.
સુખ-સમૃદ્ધિ માટે: સીતા નવમીના દિવસે રૂની વાટ બનાવી તેને ઘીમાં પલાળી રાખો. બીજા દિવસે આ બધી વાટ એક બોક્સમાં ભરીને મંદિરમાં દાન કરો.
અભ્યાસમાં સફળતા માટે: જો ભણવામાં એકાગ્રતા ન રહેતી હોય કે મુશ્કેલી પડતી હોય, તો મુઠ્ઠીભર ચોખામાં થોડી સાકર (ખડી સાકર) ભેળવીને વહેતા પાણીમાં પધરાવો.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.