VIDEO: ગ્રહોની બદલાતી ચાલ આ 4 રાશિઓ માટે લાવશે ભારે મુશ્કેલી, ભૂલથી પણ ન કરો આ કામ
છેલ્લું અપડેટ : 15 Jul 2026
જ્યોતિષશાસ્ત્રમાં શુક્રને સુખ, સૌંદર્ય, ધન અને વૈભવનો કારક માનવામાં આવે છે. જ્યારે કેતુને રહસ્યમય અને અલગાવ કરાવનારો ગ્રહ માનવામાં આવે છે. દ્રિક પંચાંગ પ્રમાણે 1 ઑગસ્ટ સુધી શુક્ર સિંહ રાશિમાં બિરાજમાન રહેશે, જ્યાં પહેલાથી હાજર કેતુ સાથે તેની યુતિ બની રહી છે. આ પછી શુક્ર કન્યા રાશિમાં જશે.
સિંહ રાશિમાં શુક્ર અને કેતુની આ યુતિ તમામ રાશિના લોકોના જીવનને કોઈને કોઈ રીતે પ્રભાવિત કરશે. પરંતુ કેટલીક વિશેષ રાશિઓ એવી છે જેને આ સમયગાળા દરમિયાન અત્યંત સતર્ક અને સાવધાન રહેવાની જરૂર છે, કારણ કે ધન હાનિ અને સંબંધોમાં તણાવની સંભાવના છે. આવો જાણીએ 1 ઑગસ્ટ સુધી કઈ રાશિના જાતકોએ ખાસ સાવધાની રાખવી પડશે.
વૃષભ રાશિ
વૃષભ રાશિના સ્વામી સ્વયં શુક્ર દેવ છે, તેથી શુક્રની કેતુ સાથે યુતિ તમારી સુખ-સુવિધાઓમાં થોડો ઘટાડો લાવી શકે છે. વિચાર્યા વગર કરવામાં આવેલ રોકાણથી ભારે નુકસાન થઈ શકે છે. 1 ઑગસ્ટ સુધી પૈસાની લેવડ-દેવડમાં અત્યંત સાવધાની રાખો. ઘર-પરિવારમાં કોઈ મુદ્દે ઝઘડો થઈ શકે છે. માતાના સ્વાસ્થ્યનું વિશેષ ધ્યાન રાખવું.
સિંહ રાશિ
આ યુતિ તમારી જ રાશિમાં બની રહી છે, તેથી સૌથી વધુ અસર તમારા પર જ જોવા મળશે. માનસિક તણાવ અને મૂંઝવણની સ્થિતિ રહી શકે છે. આ સમયે કોઈ પણ મોટો કે મહત્ત્વપૂર્ણ નિર્ણય લેવાનું ટાળો. જીવનસાથી અથવા લવ પાર્ટનર સાથે ગેરસમજને કારણે અંતર વધી શકે છે. તમારી વાણી પર નિયંત્રણ રાખો. ત્વચા કે પેટ સંબંધિત સમસ્યાઓ પરેશાન કરી શકે છે.
વૃશ્ચિક રાશિ
કાર્યક્ષેત્ર અને કરિયરના મોરચે વૃશ્ચિક રાશિના જાતકો માટે આ યુતિ થોડી પડકારજનક સાબિત થઈ શકે છે. ઑફિસમાં સહકર્મીઓ અથવા ઉચ્ચ અધિકારીઓ સાથે વાદ-વિવાદ ટાળો. તમારી કોઈ વાતનું ખોટું અર્થઘટન થઈ શકે છે, જેના કારણે તમારી ઈમેજને અસર થવાનો ડર છે. અચાનક કોઈ મોટો ગુપ્ત ખર્ચ સામે આવી શકે છે, જે તમારું બજેટ બગાડી શકે છે.
કુંભ રાશિ
કુંભ રાશિના જાતકો માટે આ યુતિ પાર્ટનરશિપ અને વૈવાહિક જીવનની લાગણીઓને અસર કરશે. જો તમે પાર્ટનરશિપમાં બિઝનેસ કરો છો, તો 1 ઑગસ્ટ સુધી તમારા પાર્ટનર સાથે પારદર્શક રહો. પૈસાની બાબતોમાં મતભેદ થઈ શકે છે. તમારા જીવનસાથીના વર્તનમાં અચાનક ઉદાસીનતા આવી શકે છે. આવી સ્થિતિમાં અહંકારને વચ્ચે લાવ્યા વિના પરસ્પર વાતચીત દ્વારા મામલાનો ઉકેલ લાવો.
અશુભ પ્રભાવોથી બચવાના ઉપાયો
દરરોજ ॐ નમઃ શિવાયનો જાપ કરો અને શિવલિંગ પર જળ અર્પણ કરો.
શુક્રવારે કીડીઓને લોટ અને ખાંડ આપો.
કેતુને શાંત કરવા માટે શનિવાર અથવા બુધવારે ધાબળો અથવા કાળા અને સફેદ તલનું દાન કરો.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.
