Dharmlok : મને ગમતા વિચારો તમને પણ ગમશે
છેલ્લું અપડેટ : 22 May 2025
- લગ્ન,સગાઇ કે અન્ય સામાજિક પ્રસંગોમાં પોતાની શક્તિ મુજબ ખર્ચ કરવો.વાહવાહી મેળવવા ખોટો દેખાવ ન કરવો.
- દરેકે પોતાના હક્કનો,પોતાની કમાણીનો રોટલો ખાવો.સશક્ત વ્યક્તિએ આર્થિક ઉપાર્જન કરવું.કોઈના ઉપર બોજારૂપ ન બનવું.
- વાદ-વિવાદ ટાળવો.વાસ્તવવાદી બનવું.જે સમયે જે કર્તવ્ય આપણા ઉપર આવે તેને યોગ્ય ન્યાય આપવો.સતકર્મ એ જ ધર્મ છે.આળસમાં સમય ન બગાડવો.
- યુવાન દીકરા-દીકરીઓ વધારે સમજુ અને પાકટ છે.વધારે અભ્યાસુ છે.છતાં લગ્ન જેવા પવિત્ર અને મહત્ત્વનો નિર્ણય લેતી વખતે આપણાથી વધારે અનુભવી અને આપણાં પરમ હિતકારી માતા-પિતાનું ખૂલ્લા મનથી માર્ગદર્શન મેળવવું. તંદુરસ્ત ચર્ચા કરવી.વાસ્તવિકતાનો સ્વીકાર કરવો.
- દહેજ જેવા કુરિવાજોનો ત્યાગ કરવો.છોકરા-છોકરી કોઈ વસ્તુકે પદાર્થ નથી.માટે આવી સોદાબાજીથી દૂર રહેવું.
- દીકરા-દીકરીનું ભણતર જોવું.શોખ જોવા.સૌંદર્ય ભલે જુઓ પરંતુ સાથે સાથે એકબીજાના પૂરક થઈને રહી શકીએ તેવા તંદુરસ્ત વિચારોનો સ્વીકાર કરવો.
- જે ઇષ્ટદેવમાં,ધર્મમાં કે સંપ્રદાયમાં માનતા હોઈએ તે મુજબ ભક્તિ કરવી.સાધના કરવી.પૂજા-અર્ચના કરવી.પરંતુ કોઈ જડ વલણ ધ્યાનમાં આવે તો માનવીય મૂલ્યોનો સ્વીકાર કરવાનો આગ્રહ રાખવો.
- જે ઇષ્ટદેવમાં,ધર્મમાં કે સંપ્રદાયમાં માનતા હોઈએ તે મુજબ ભક્તિ કરવી.સાધના કરવી.પૂજા-અર્ચના કરવી.પરંતુ કોઈ જડ વલણ ધ્યાનમાં આવે તો માનવીય મૂલ્યોનો સ્વીકાર કરવાનો આગ્રહ રાખવો.
- શસ્ત્ર,શાસ્ત્ર કે શક્તિનો સમાજહિત માટે ઉપયોગ કરવો.
- રાષ્ટ્રહિતને સર્વોપરી માનવું.કારણકે આપણી જન્મભૂમિ છે.
કર્મભૂમિ છે અને આપણું પોષણ કરતી ભૂમિ છે.તેના ઋણનો સ્વીકાર કરવો.
- પોતાના ઘર-પરિવારનાં દરેક સભ્યો સાથે સુમેળથી રહેવું.તેમના વિકાસમાં સહયોગી થવું.
- પોતે નિર્વ્યસની રહેવું.અન્યને પણ વ્યસનમુક્ત થવા પ્રેમથી સમજાવવા.
- નાથાલાલ બ્રહ્મક્ષત્રિય
