Recipe / ડિનર માટે કંઈક અલગ ટ્રાય કરવા માંગો છો? તો ઘરે બનાવો પનીર મખની બિરયાની

શું રોજ એક જ પ્રકારના ભોજનથી કંટાળી ગયા છો અને કંઈક નવું અને સ્વાદિષ્ટ ટ્રાય માંગો છો? જો હા, તો આ વખતે તમારા ડિનરના મેનૂમાં પનીર મખની બિરયાની ઉમેરવાનું વિચારો. તેમાં પનીર મખનીની મલાઈદાર ગ્રેવી અને સુગંધિત બિરયાનીનો જાદુ મળે છે, જે દરેકને પસંદ આવશે. જો તમે આ વાનગી ટ્રાય કરવા માંગતા હોવ, તો આજે અમે તમને તેની રેસીપી જણાવીશું.

આ પણ વાંચો :

Recipe / સાંજના નાસ્તા માટે બનાવો કોર્ન સેન્ડવીચ, બાળકોને ખૂબ જ પસંદ આવશે આ વાનગી

Karwa Chauth Recipes / કરવા ચોથ પર ઘરે તૈયાર કરો આ 5 મીઠાઈ, ખૂબ સરળ છે બનાવવાની રીત

સામગ્રી

• ટામેટા - 4 નંગ
• ડુંગળી - 2 નંગ
• આદુ-લસણની પેસ્ટ - 1 ચમચી
• પનીર - ૨200 ગ્રામ
• કાજુ - 15-20
• માખણ - 2 ચમચી
• તેલ - 1 ચમચી
• લાલ મરચાંનો પાવડર - 1 ચમચી
• ધાણા પાવડર - 1 ચમચી
• ગરમ મસાલો - 1/2 ચમચી
• કસૂરી મેથી - 1 ચમચી
• મધ અથવા ખાંડ - 1 ચમચી
• મીઠું - સ્વાદ મુજબ
• બાસમતી ચોખા - 1.5 કપ (30 મિનીટ માટે પલાળેલા)
• પાણી - 3 કપ
• તજ - 1 ટુકડો
• લીલી એલચી - 2
• લવિંગ - 22
• કેસર - 1 ચપટી (દૂધમાં પલાળેલું)
• ફૂદીના અને કોથમરી - બારીક સમારેલા
• ઘી - 2 ચમચી
• ડુંગળી - 1 (તળેલી)

બનાવવાની રીત

• સૌથી પહેલા એક પેનમાં થોડું તેલ અને માખણ ગરમ કરો.
• હવે તેમાં ડુંગળી, ટામેટા, કાજુ, આદુ-લસણની પેસ્ટ અને થોડું મીઠું ઉમેરો અને નરમ થાય ત્યાં સુધી રાંધો.
• મિશ્રણને ઠંડુ થવા દો અને પછી તેને સારી રીતે પીસીને સ્મૂધ પેસ્ટ બનાવો.
• હવે તે જ પેનમાં થોડું વધુ માખણ ઉમેરો અને તૈયાર કરેલી પેસ્ટ ઉમેરો.
• આ પછી તેમાં લાલ મરચું પાવડર, ધાણા પાવડર અને ગરમ મસાલો ઉમેરો, સારી રીતે મિક્સ કરો.
• હવે પનીરના ટુકડા, કસૂરી મેથી, અને મધ અથવા ખાંડ ઉમેરો, સારી રીતે મિક્સ કરો, અને 2-3 મિનિટ માટે રાંધો.
• હવે એક મોટા વાસણમાં ઘી ગરમ કરો. તેમાં તજ, એલચી અને લવિંગ ઉમેરો અને શેકો.
• હવે તેમાં ચોખા અને પાણી અને મીઠું ઉમેરીને મિક્સ કરો.
• ચોખાને 80% રાંધાય ત્યાં સુધી રાંધો.
• ત્યારબાદ મોટા વાસણ અથવા હાંડીના તળિયે ગ્રેવીનું એક લેયર ફેલાવો.
• હવે ઉપર 80% રાંધેલા ચોખાનું એક લેયર ઉમેરો.
• ઉપર થોડી તળેલી ડુંગળી, ફુદીનો અને કોથમરી ઉમેરો.
• આ પછી ગ્રેવીનું બીજું લેયર ઉમેરો અને બાકીના ચોખા ઉપર ફેલાવો.
• છેલ્લે, કેસરવાળું દૂધ, તળેલી ડુંગળી, ફુદીના અને કોથમરી ઉમેરો અને વાસણને ઢાંકી દો.
• ધીમા તાપે 15-20 મિનિટ સુધી રાંધો જેથી બધા સ્વાદ એકબીજા સાથે મિક્સ થઈ જાય.
• પીરસતા પહેલા, બિરયાનીને હળવેથી હલાવો જેથી ગ્રેવી અને ભાત સારી રીતે મિક્સ થઈ જાય.
• પનીર મખની બિરયાની તૈયાર છે. તેને રાયતા અથવા સલાડ સાથે ગરમાગરમ સર્વ કરો.