Recipe : સાંજની ભૂખ માટે બેસ્ટ છે મગની દાળના આ 4 હેલ્ધી સ્નેક્સ, સ્વાદ સાથે હેલ્થ પણ રહેશે ફિટ!

રોજ સાંજે 4 થી 6 વાગ્યાની વચ્ચે જોરદાર ભૂખ લાગવી એકદમ નોર્મલ છે. પરંતુ આ સમયે એવું શું ખાવું જે હળવું પણ હોય અને ટેસ્ટી પણ... આ મુંઝવણ મોટાભાગના લોકોને રહે છે. સામાન્ય રીતે હેલ્ધી સ્નેક્સ માટે મગની દાળમાંથી બનેલી વાનગીઓ સાંજના નાસ્તામાં ખાઈ શકાય છે. ચાલો તમને જણાવીએ... દિવસના સમયે 4 થી 6 ની વચ્ચે ચા સાથે નમકીન આઇટમ જેમ કે સમોસા કે બ્રેડ પકોડા ખાવાનું મન થાય છે. પરંતુ આ એક અનહેલ્ધી કોમ્બો છે, તેથી લોકો એવી વસ્તુઓ શોધતા હોય છે જે સ્વાદમાં પણ ઉત્તમ હોય અને હેલ્થ માટે પણ સારી હોય. અહીં જાણો મગની દાળમાંથી બનતા એવા કયા સ્નેક્સ છે, જે ખાઈને તમે સાંજની ભૂખને (Cravings) શાંત કરી શકો છો.

આ પણ વાંચો :

Recipe : બજાર જેવી ઘાટી અને મલાઈદાર છાશ હવે બનાવો ઘરે, સ્વાદ એવો કે બનાવશો વારંવાર 

Recipe : ઘરે બનાવો બજાર જેવા જ ખાટા-મીઠા કેરીના પાપડ: કેરીની સીઝન ગયા પછી પણ માણો તેનો અસલી સ્વાદ

મગની દાળ કેમ ફાયદાકારક છે?

આ પણ વાંચો :

Recipe : બજાર કરતાં પણ ટેસ્ટી અને સોફ્ટ મસાલા પનીર હવે બનાવો ઘરે જ, નોંધી લો આ ઝટપટ રેસિપી

Recipe : સ્વાદ અને સ્વાસ્થ્ય માટે ઉત્તમ! માત્ર ૩ સામગ્રીથી ઘરે જ તૈયાર બનાવો સુપર ટેસ્ટી મેંગો આઈસ્ક્રીમ

મગને ઉનાળાની દાળ કહેવામાં આવે છે કારણ કે તેની તાસીર ઠંડી હોય છે. તેમાં પ્રોટીન સહિત ઘણા જરૂરી પોષક તત્વો હોય છે. જો તમે મગની દાળની ખીચડી ખાઈને કંટાળી ગયા હોવ, તો તેમાંથી ચીલા અને કટલેસ જેવી ટેસ્ટી વસ્તુઓ બનાવી શકો છો.

1. મગની દાળનો ઢોસા (Moong Dal Dosa)

સાંજના નાસ્તામાં કંઈક હેલ્ધી ખાવું હોય તો લીલા મગની દાળના ઢોસા બેસ્ટ ઓપ્શન છે. દાળને પલાળ્યા પછી તેને પીસીને આથો આવવા (Ferment કરવા) માટે છોડી દો. હવે તેનું પાતળું ખીરું બનાવો અને ઈચ્છો તો તેમાં મસાલા પણ ઉમેરી શકો છો. આ ચોખાના ઢોસા કરતાં હળવો હોય છે અને હેલ્થને બમણો ફાયદો પહોંચાડે છે. નોન-સ્ટિક તવા પર આ ખીરું ફેલાવીને ક્રિસ્પી ઢોસા તૈયાર કરો અને નાળિયેરની ચટણી સાથે તેની મજા માણો.

2. મગની દાળના કટલેસ (Moong Dal Cutlet)

પલાળેલી મગની દાળને પીસીને તેમાં બાફેલા-મેશ કરેલા બટાકા, ઝીણા સમારેલા શાકભાજી અને મસાલા બરાબર મિક્સ કરી લો. હવે તેને કટલેસનો આકાર આપો અને પેન પર થોડું તેલ મૂકીને શેલો ફ્રાય (છાછરા તળવા) કરો. ધ્યાન રાખવું કે કટલેસને ધીમા તાપે જ પકવવાની છે. તેને ટોમેટો કેચઅપ અથવા ધાણા-મરચાની લીલી ચટણી સાથે સર્વ કરો.

3. મગની દાળના ચીલા (Moong Dal Chilla)

લીલા મગની દાળના પુડલા એટલે કે ચીલા બનાવવા માટે પહેલા તેને સારી રીતે પલાળી લો. પીસ્યા પછી તેમાં થોડો પલાળેલો સોજી (રવો) મિક્સ કરો, લીલા મરચાની પેસ્ટ અને આદુ નાખીને ઘટ્ટ ખીરું તૈયાર કરો. તવા પર સહેજ તેલ લગાવી ખીરું રેડીને ચીલાની જેમ ફેલાવો. લો તૈયાર છે હેલ્ધી અને ટેસ્ટી ઇવનિંગ સ્નેક!

4. મગની દાળ સ્પ્રાઉટ્સ ચાટ (Moong Dal Sprouts Chaat)

મગના ફણગાવેલા કઠોળને (સ્પ્રાઉટ્સ) સૌથી વધુ હેલ્ધી માનવામાં આવે છે. આ રીતે ખાવાથી તમે તેલવાળો અને મસાલેદાર ખોરાક ખાવાથી બચી જાવ છો. ફણગાવેલા મગને એક ઉભરો આવે ત્યાં સુધી બાફી લો અને ઠંડા થાય એટલે તેમાં ખીરા કાકડી, ટામેટાં અને ડુંગળી ઝીણી સમારીને ઉમેરો. ઉપરથી ચાટ મસાલો અને લીંબુ નીચોવીને મજાથી ખાઓ. જો તમારી પાસે સમય હોય, તો તમે સાંજે મગની દાળની સોફ્ટ ઇડલી પણ બનાવી શકો છો.