Recipe / કંઈક મીઠું ખાવાની ઈચ્છા થાય ત્યારે ઝટપટ બનાવી લો સ્વાદિષ્ટ મલાઈ ટોસ્ટ

મોટાભાગના લોકોને જમ્યા પછી સ્વીટ ક્રેવીંગ થાય છે. આ ક્રેવીંગને શાંત કરવા માટે, ઘણા લોકો બજારમાંથી મીઠાઈ લાવે છે. તો કેટલાક લોકો ખાંડ અથવા ગોળ ખાઈને પોતાનું મન ભરે છે. કારણ કે આ બંને વસ્તુઓ ઘરે સરળતાથી મળી રહે છે અને કોઈપણ મીઠાઈ બનાવવામાં સમય લાગે છે.

આ પણ વાંચો :

Recipe : રક્ષાબંધનમાં બનાવો દુકાન જેવા કાજુ મખાના પિસ્તા રોલ, બધા કરશે વાહ-વાહ

Recipes / ગાર્લિક ટોસ્ટથી લઈને મેકરોની સુધી, ચીઝમાંથી ઝટપટ બની જશે આ 3 સ્વાદિષ્ટ વાનગી

પરંતુ અમે તમને એક રેસીપી જણાવી રહ્યા છીએ જેની મદદથી તમે ઝડપથી મીઠી વાનગી તૈયાર કરી શકો છો. આ રેસીપી મલાઈ ટોસ્ટની છે. ઘરમાં હાજર બ્રેડ અને દૂધની મદદથી, તમે તેને મિનિટોમાં તૈયાર કરી શકો છો. તે ખૂબ સ્વાદિષ્ટ હોય છે અને બનાવવામાં એકદમ સરળ છે.

સામગ્રી

• અડધો લિટર દૂધ
• એક કપ મિલ્ક પાવડર
• બે કપ પાણી
• એક કપ ખાંડ
• બ્રેડ સ્લાઈસ
• પિસ્તા અને બદામ

બનાવવાની રીત

• મલાઈ ટોસ્ટ બનાવવા માટે, પહેલા રબડી તૈયાર કરો. આ માટે, અડધો લિટર દૂધ લો. 
• હવે તેને ઉકળવા માટે મુકો અને તેમાં 1 કપ મિલ્ક પાવડર ઉમેરો.
• હવે તેને ઘટ્ટ થાય ત્યાં સુધી હલાવો. શક્ય હોય તો ફુલ ક્રીમ દૂધનો ઉપયોગ કરો.
• જ્યારે દૂધ ઘટ્ટ થાય, ત્યારે તેમાં ખાંડ ઉમેરો અને સારી રીતે મિક્સ કરો.
• હવે બીજા પેનમાં 2 કપ પાણી અને અડધો કપ ખાંડ ઉમેરો અને 5 મિનિટ સુધી ઉકાળો.
• હવે બ્રેડ સ્લાઈસના ચાર ટુકડા કરો અને પછી ગરમ તેલમાં ગોલ્ડન બ્રાઉન થાય ત્યાં સુધી તળો.
• હવે આ બ્રેડના ટુકડાને ખાંડની ચાસણીમાં ડુબાડો. પછી બે બ્રેડના ટુકડા વચ્ચે રબડી નાખો.
• હવે તેને ડ્રાયફ્રુટ્સથી ગાર્નિશ કરો અને સ્વાદિષ્ટ ટોસ્ટનો આનંદ માણો.
• તમે તેને એક કે બે દિવસ માટે ફ્રિજમાં સ્ટોર કરી શકો છો. જોકે, ફ્રેશ મલાઈ ટોસ્ટનો સ્વાદ વધુ સારો લાગે છે.