Recipe / આ વખતે ગણપતિ બાપ્પાને મોદક સાથે નારિયેળ બદામની બરફી અર્પણ કરો, સરળ છે બનાવવાની રીત
છેલ્લું અપડેટ : 14 Sept 2026
ગણેશ ઉત્સવ આજ (14 સપ્ટેમ્બર) થી શરૂ થઈ ગયો છે. આ ખાસ પ્રસંગે, ઘરોમાં ગણપતિ બાપ્પાનું ભવ્ય સ્વાગત કરવામાં આવે છે. સજાવટની સાથે બાપ્પાના પ્રસાદ માટે પ્રિય મીઠાઈઓ પણ તૈયાર કરવામાં આવે છે. ગણપતિ બાપ્પા માટે મોદક એક સામાન્ય પ્રસાદ છે. પરંતુ જો તમે આ વખતે મોદક સાથે કંઈક ખાસ બનાવવા માંગતા હોવ, તો તમે નારિયેળ બદામની બરફી અજમાવી શકો છો.
સામગ્રી
- સૂકું નારિયેળ - 250 ગ્રામ
- બદામ - 50 ગ્રામ
- ઘી - 4 ચમચી
- ખાંડ - 1 કપ
- દૂધ - જરૂર મુજબ
- મિલ્ક પાવડર - 1 કપ
- એલચી પાવડર - 1/2 ચમચી
- કેસર
- હૂંફાળું પાણી - 2 ચમચી
- પિસ્તા - 1 ચમચી (સમારેલી)
- ગુલાબની પાંખડીઓ - 1 ચમચી (સૂકા)
બનાવવાની રીત
ભગવાન ગણેશ માટે ખાસ પ્રસાદ તરીકે નારિયેળ બદામની બરફીએક ઉત્તમ વિકલ્પ હોઈ શકે છે. તે બનાવવી ખૂબ જ સરળ છે. સૌપ્રથમ, સૂકા નારિયેળને નાના ટુકડામાં કાપી લો. નારિયેળના ટુકડા અને બદામને લગભગ 10થી 15 મિનિટ સુધી પાણીમાં ઉકાળો. નારિયેળ અને બદામ ઠંડા થઈ જાય પછી, બદામને છોલીને બહારનું પડ કાઢી નાખો. હવે, તેને મિક્સરમાં નાખો અને સ્મૂધ પેસ્ટ બનાવો.
હવે એક પેનમાં ઘી ગરમ કરો. બદામ અને નારિયેળનું મિશ્રણ ઉમેરો. થોડીવાર માટે રાંધો. મિશ્રણને હલાવતા રહો જેથી તે બળી ન જાય. હવે તેમાં એક કપ ખાંડ, દૂધ અને મિલ્ક પાવડર ઉમેરો. સારી રીતે મિક્સ કરો. મિશ્રણ ઘટ્ટ થાય ત્યાં સુધી રાંધો. કેસરને હુંફાળા પાણીમાં પલાળી રાખો અને તેને મિશ્રણમાં ઉમેરો અને સારી રીતે મિક્સ કરોહવે . એલચી પાવડર ઉમેરો. જ્યારે તે પેન પર ચોંટવાનું બંધ કરે, ત્યારે બરફી સેટ થવા માટે તૈયાર છે. હવે ગેસ બંધ કરો.
એક પ્લેટમાં ઘી લગાવો અને તેમાં સમારેલા પિસ્તા અને સૂકા ગુલાબની પાંખડીઓ છાંટી દો. તેના પર બરફીનું મિશ્રણ રેડો અને તેને પ્લેટ પર સમાનરૂપે ફેલાવો. થોડીવાર ઠંડુ થવા દો. બરફી સેટ થઈ જાય પછી, તેના ટુકડા કરી લો.