Health News/ VIDEO: ચેતી જજો! સાંજ પછી આ ભૂલનો ન કરતા, નહીં તો વધી જશે હાર્ટ એટેકનું જોખમ
છેલ્લું અપડેટ : 24 May 2026
હાર્ટ એટેકના જોખમને ઓછું કરવા માટે લાઇફસ્ટાઇલ અને ખાનપાન સાથે જોડાયેલી ઘણી સાવચેતીઓ રાખવાની સલાહ આપવામાં આવે છે. પરંતુ ખૂબ ઓછા લોકો જાણે છે કે, રાત્રે 8 વાગ્યા પછી અજાણતામાં કરવામાં આવતી કેટલીક ભૂલો તમારી આખો દિવસની હેલ્ધી ડાયટ અને સારી લાઇફસ્ટાઇલ પર પાણી ફેરવી શકે છે.
નિષ્ણાતોના જણાવ્યા અનુસાર, સાંજે 7 વાગ્યા પછી શરીરનું સર્કાડિયન રિધમ (Circadian Rhythm - બોડી ક્લોક) રિકવરી ફેઝમાં જવા લાગે છે. આ સમયે બ્લડ પ્રેશર, હાર્ટ રેટ અને મેટાબોલિક એક્ટિવિટી પણ ધીમી પડી જાય છે. જો શરીરની આ કુદરતી પ્રક્રિયામાં દખલ કરવામાં આવે, તો તેનાથી કાર્ડિયોવાસ્ક્યુલર સિસ્ટમ (હૃદયની પ્રણાલી) પર બિનજરૂરી તણાવ વધે છે. મહત્વનું એ નથી કે તમે દિવસ દરમિયાન શું કરો છો, પરંતુ મહત્વનું એ છે કે જ્યારે તમારું શરીર આરામ કરવાની કોશિશ કરી રહ્યું હોય ત્યારે તમે શું કરો છો. રાત્રિના સમયે સામાન્ય લાગતી આ આદતો ગુપ્ત રીતે હૃદયની બીમારી, હાઈ બ્લડ પ્રેશર અને ખરાબ કાર્ડિયોવાસ્ક્યુલર હેલ્થનું જોખમ વધારી શકે છે.
સાંજે 8 વાગ્યા પછી કઈ ભૂલો કરવાથી બચવું જોઈએ
1) હેવી ડિનર (ભારે ખોરાક લેવો)
જો તમે દિવસભરના કામ પછી રાત્રે સૌથી ભારે ખોરાક (Heavy Meal) લો છો, તો આ સૌથી ખોટી આદત છે. રાત્રે વધુ પ્રમાણમાં ભારે ખોરાક ખાવાથી પાચનતંત્ર (Digestive System) પર રાત્રે વધારે કામ કરવાનું દબાણ આવે છે, જ્યારે વાસ્તવમાં આ સમયે પાચનતંત્ર ધીમું પડી જતું હોય છે. આ દરમિયાન બ્લડ ફ્લો (લોહીનું પરિભ્રમણ) પાચનક્રિયા પર કેન્દ્રિત થઈ જાય છે, જેના કારણે હૃદયને પમ્પિંગ કરવામાં મુશ્કેલી પડે છે અને બ્લડ પ્રેશરનું સંતુલન બગડે છે.
2) સાંજ પછી કોફી પીવી
ઓફિસથી આવ્યા પછી સાંજે એક કપ કોફી ભલે તમને શારીરિક રીતે સક્રિય રાખતી હોય પણ તે નુકસાનકારક છે. કોફીમાં રહેલું કેફીન નર્વસ સિસ્ટમને ઉત્તેજિત કરે છે, જેનાથી હાર્ટ રેટ વધી જાય છે અને સ્લીપ સાયકલ (ઊંઘની પ્રક્રિયા) ડિસ્ટર્બ થાય છે. અધૂરી કે ખરાબ ઊંઘનો સીધો સંબંધ હૃદયના જોખમો અને હાઈપરટેન્શન (હાઈ બ્લડ પ્રેશર) વધારવા સાથે છે.
૩) લેટ નાઇટ સ્નેકિંગ (મોડી રાત્રે નાસ્તો કરવો)
ડિનર કર્યા પછી પણ મોડી રાત્રે સ્નેક્સ ખાવાની આદત, ખાસ કરીને અનહેલ્ધી વસ્તુઓ જેવી કે ચિપ્સ, મીઠાઈ કે પ્રોસેસ્ડ ફૂડ, શરીરને ઘણું નુકસાન કરે છે. આ વસ્તુઓ શરીરમાં શુગર લેવલને અચાનક વધારે છે અને તેમાં રહેલું અનહેલ્ધી ફેટ કોલેસ્ટ્રોલ લેવલ વધારે છે. આ આદત સમય જતાં કાર્ડિયોવાસ્ક્યુલર સિસ્ટમ પર દબાણ વધારે છે.
4) ઓફિસ કોલ્સ અને સ્ટ્રેસ (માનસિક તણાવ)
કામ પરથી આવ્યા પછી પણ જો ઓફિસની ટેન્શન, સ્ટ્રેસ અને મોડી રાત સુધી બિઝનેસ કોલ્સ તમારા રૂટિનનો ભાગ છે, તો આ આદત તમારા હૃદયને અંદરથી નબળું પાડી રહી છે. સતત વર્ક સ્ટ્રેસના કારણે શરીરમાં 'કોર્ટિસોલ હોર્મોન' (Cortisol Hormone) નું સ્તર વધે છે, જે લાંબા ગાળે હાર્ટ હેલ્થ પર ખૂબ જ ખરાબ અસર કરે છે.
5) દારૂનું સેવન (આલ્કોહોલ)
ઘણા લોકોને એવું લાગે છે કે આખો દિવસનો થાક ઉતારવા અને રિલેક્સ થવા માટે રાત્રે માત્ર એક ગ્લાસ પીવાથી શું વાંધો આવે? પરંતુ નિષ્ણાતોના મતે, રોજ સાંજે કે રાત્રે આલ્કોહોલ પીવાની આદત હૃદયના ધબકારાની લય (Heart Rhythm) ને ડિસ્ટર્બ કરે છે, બ્લડ પ્રેશર વધારે છે અને ઊંઘની ગુણવત્તા (Sleep Quality) પર નકારાત્મક અસર કરે છે.
