21 જુલાઈએ સ્ટેજ બનાવવાની મંજૂરી નહીં મળે તો મમતા બેનર્જી શું કરશે? Mahua Moitra એ આપ્યો જવાબ

કોલકાતા: પશ્ચિમ બંગાળ વિધાનસભા ચૂંટણીમાં (State Assembly Elections) કરારી હાર બાદ તૃણમૂલ કોંગ્રેસ (TMC) માં ભીષણ આંતરિક વિખવાદ (Internal Feud) શરૂ થઈ ગયો છે. પક્ષ પરથી મમતા બેનર્જીનો કંટ્રોલ હવે લગભગ ખતમ થઈ ગયો છે અને પાર્ટી સંપૂર્ણપણે બે જૂથમાં વહેંચાઈ ગઈ છે - 'કાલીઘાટ-તૃણમૂલ' (મમતા બેનર્જી જૂથ) અને 'ઋતબ્રત-તૃણમૂલ'. હવે આ બંને જૂથો ટીએમસીના સૌથી મોટા વાર્ષિક કાર્યક્રમ 21 જુલાઈ 'શહીદ દિવસ' (Martyrs' Day) ની રેલી માટે આમને-સામને આવી ગયા છે.

આ પણ વાંચો :

VIDEO: ભવાનીપુરમાં રાજકીય સંગ્રામ: મહુઆ મોઈત્રાની ટિપ્પણીથી ગુજરાતી સમાજમાં રોષ, મમતાના ગઢમાં TMCએ માંગવી પડી માફી

VIDEO: 'બંગાળની જનતા ભાજપને ઈચ્છતી હતી, તો તેમને ભાજપ મળી ગઈ', TMC નેતા મહુઆ મોઇત્રાએ હારનો સ્વીકાર કર્યો

સ્ટેજ બનાવવાની મંજૂરી નહીં મળે તો જીપ પરથી ભાષણ આપશે મમતા: મહુઆ મોઇત્રા

આ ગજગ્રાહ વચ્ચે કૃષ્ણનગરના ટીએમસી સાંસદ મહુઆ મોઇત્રાએ (Mahua Moitra) વિપક્ષ અને વહીવટીતંત્રને ખુલ્લી ચેતવણી આપી છે. મહુઆ મોઇત્રાએ પક્ષનો કડક પક્ષ રાખતા જણાવ્યું: "જો  21 જુલાઈની રેલી કરવાની મંજૂરી નહીં આપવામાં આવે, તો અમે રસ્તા પર ઉતરીશું. અમે બધા ધરપકડ વહોરવા તૈયાર છીએ. જો અમને સ્ટેજ બનાવવાની પરમિશન (Permission) નહીં મળે, તો મમતા બેનર્જી જીપ કે જીપ્સી ગાડીની ઉપર ઊભા રહીને માઈક પકડશે અને જનસભાને સંબોધિત કરશે. આ બેઠક 100% થઈને જ રહેશે."

આ પણ વાંચો :

NEWS AFTERNOON: ઈરાનના નવા ફરમાને વધાર્યું ટેન્શન!, મહુઆ મોઇત્રાએ કર્યા રાજનાથ સિંહના વખાણ, ગુજરાત પોલીસ ભરતી પર હાઇકોર્ટમાં સુનાવણી

'જ્યારે હું આખી રાત રડી તો માત્ર શુભેન્દુ અધિકારીએ આપ્યો મારો સાથ'; શું મહુઆ મોઇત્રા પણ છોડી દેશે મમતાનો સાથ?

બંને ગુટોએ પોતાને ગણાવી 'અસલી ટીએમસી'

આ વિવાદ ત્યારે વધુ વણસ્યો જ્યારે બંને જૂથોએ પોતાને અસલી તૃણમૂલ ગણાવીને શહીદ દિવસ મનાવવા માટે કોલકાતા પોલીસને પત્ર લખી દીધો. મમતા બેનર્જીના જૂથે પરંપરાગત સ્થળ વિક્ટોરિયા હાઉસ (Victoria House) સામે રેલી યોજવાની મંજૂરી માંગી છે, જ્યાં છેલ્લા ઘણા દાયકાઓથી આ રેલી યોજાય છે. બીજી તરફ, ઋતબ્રત બંદોપાધ્યાય અને સંદીપન સાહાના જૂથે પોતાને વાસ્તવિક ટીએમસી ગણાવીને સીધા પોલીસ કમિશનરને પત્ર સોંપીને આ સ્થળે કાર્યક્રમ કરવાની માંગ કરી છે.

શું મમતા બેનર્જીના હાથમાંથી પક્ષનું પ્રતીક છીનવાઈ જશે?

વર્ષ 2011 માં સત્તામાં આવ્યા બાદ ટીએમસીની પહેલી 21 જુલાઈની રેલી બ્રિગેડ પરેડ ગ્રાઉન્ડમાં થઈ હતી, જે બાદ તે સતત વિક્ટોરિયા હાઉસ સામે યોજાતી રહી છે. પરંતુ હવે સ્થિતિ બદલાઈ ગઈ છે:

મમતા જૂથના વફાદાર કુણાલ ઘોષનું કહેવું છે કે મમતા બેનર્જીનો ચહેરો જ પાર્ટીનું અસલી પ્રતીક (Party Symbol) છે. કાલીઘાટ-તૃણમૂલે પક્ષના નામ અને પ્રતીકના ગેરકાયદેસર ઉપયોગ બદલ ઋતબ્રત જૂથ સામે અનેક પોલીસ સ્ટેશનોમાં ફરિયાદ (Complaints) નોંધાવી છે.

બીજી તરફ, ઋતબ્રત જૂથ આ દાવાઓને સંપૂર્ણપણે ફગાવી રહ્યું છે.

પક્ષના અસ્તિત્વ પર મોટો ખતરો (Crisis on Party's Existence)

તૃણમૂલ કોંગ્રેસનું ઘર હવે પૂરેપૂરું વિખેરાઈ ચૂક્યું છે. પક્ષના બહુમતી ધારાસભ્યો (MLAs) અને કાઉન્સિલરોની બેઠકોમાંથી હવે ટીએમસી સુપ્રિમો મમતા બેનર્જીની તસવીરો ગાયબ થવા લાગી છે. એટલું જ નહીં, પક્ષના બેંક એકાઉન્ટ્સ (Bank Accounts) પણ સીઝ થઈ ગયા છે. હવે સૌથી મોટો સવાલ એ છે કે શું ચૂંટણી પ્રતીક પણ મમતા બેનર્જીના હાથમાંથી નીકળી જશે? 21 જુલાઈની આ રેલીમાં થનારું શક્તિ પ્રદર્શન (Power Show) હવે બંગાળના રાજકારણની આગામી દિશા નક્કી કરશે.