VIDEO: હૂબલ્લીમાં ભારે વરસાદથી જળબંબાકાર
છેલ્લું અપડેટ : 01 Oct 2026
સોર્સ : gstv
કર્ણાટકના હૂબલ્લી શહેર અને તેની આસપાસના વિસ્તારોમાં મોડી રાત્રે ભારે વરસાદ પડતાં જનજીવન અસ્તવ્યસ્ત થઈ ગયું છે. મુસળધાર વરસાદના કારણે શહેરના મુખ્ય માર્ગો અને નિચાણવાળા વિસ્તારોમાં પાણી ભરાઈ જતાં વાહનવ્યવહાર પર માઠી અસર પડી હતી. માર્ગો પર પાણી ભરાવાને લીધે અનેક જગ્યાએ ટ્રાફિક જામના દ્રશ્યો સર્જાયા હતા અને લોકોને અવરજવરમાં ભારે હાલાકીનો સામનો કરવો પડ્યો હતો. સ્થાનિક પ્રશાસન અને મ્યુનિસિપલ કોર્પોરેશનની ટીમો દ્વારા ભરાયેલા પાણીના નિકાલ માટે કામગીરી હાથ ધરવામાં આવી છે. હવામાન વિભાગ દ્વારા આગામી સમયમાં પણ ભારે વરસાદની શક્યતા વ્યક્ત કરવામાં આવી હોવાથી વહીવટીતંત્ર દ્વારા લોકોને સતર્ક રહેવા અને બિનજરૂરી બહાર ન નીકળવાની સલાહ આપવામાં આવી છે.
