VIDEO: NEET પેપર લીક મામલે SOGની તપાસ વધુ તેજ, જયપુરમાં 18ની અટકાયત
છેલ્લું અપડેટ : 12 May 2026
સોર્સ : gstv
રાજસ્થાનમાં NEET પેપર લીક મામલે SOGની તપાસ વધુ તેજ બની છે, જેમાં અત્યાર સુધીમાં અંદાજે દોઢ ડઝન લોકોની અટકાયત કરવામાં આવી છે. સોમવારે જયપુરથી આ નેટવર્કના કથિત માસ્ટરમાઈન્ડ મનીષની ધરપકડ કરવામાં આવી છે, જેણે પેપર લીકની શંકા ટાળવા માટે પ્રશ્નોને એડિટ કરી એક 'ક્વેશ્ચન બેંક' તૈયાર કરી હોવાની આશંકા છે. આ કેસમાં સીકરના કન્સલ્ટન્સી સેન્ટર સાથે જોડાયેલ રાકેશ મંડાવરિયાની ભૂમિકા પણ મહત્વની મનાય છે, જેની પાસે એપ્રિલ માસમાં જ પ્રશ્ન બેંક પહોંચી ગઈ હોવાનું મનાય છે.
તપાસમાં એવો પણ ખુલાસો થયો છે કે કેરળમાં MBBSનો અભ્યાસ કરતા ચુરુના એક વિદ્યાર્થીને સીકરથી પ્રશ્નોની PDF મોકલવામાં આવી હતી. હાલ SOG આ પેપર અન્ય કયા રાજ્યોમાં ફેલાયું અને તેના બદલે કેટલા નાણાંની લેવડદેવડ થઈ તેની ઊંડી તપાસ કરી રહી છે.
