VIDEO : સિક્કિમના સિંગતામમાં ભારે વરસાદ અને લેન્ડસ્લાઈડથી NH-10 હાઈવે ઠપ્પ થયો

સિક્કિમમાં પડી રહેલા અતિભારે વરસાદને કારણે જનજીવન અસ્તવ્યસ્ત બન્યું છે, જેમાં સિંગતામ નજીક રાષ્ટ્રીય ધોરીમાર્ગ-૧૦ (NH-10) પર મોટું ભૂસ્ખલન (લેન્ડસ્લાઈડ) થતાં વાહનવ્યવહાર સંપૂર્ણપણે ખોરવાઈ ગયો છે. પહાડો પરથી મોટા પથ્થરો અને કાદવ-કીચડનો કાટમાળ મુખ્ય હાઈવે પર ધસી આવવાને કારણે રસ્તો બંધ થઈ ગયો છે, જેને લીધે સેંકડો પ્રવાસીઓ અને સ્થાનિક વાહનો રસ્તામાં જ અટવાઈ પડ્યા છે. સિક્કિમને પશ્ચિમ બંગાળ સાથે જોડતી આ મુખ્ય લાઈફલાઈન બંધ થતાં લાંબો ટ્રાફિક જામ સર્જાયો છે. સ્થાનિક પ્રશાસન અને આપત્તિ વ્યવસ્થાપનની ટીમો જેસીબી મશીનો વડે કાટમાળ હટાવી રસ્તો ખુલ્લો કરવા માટે યુદ્ધના ધોરણે કામગીરી કરી રહી છે, પરંતુ સતત વરસી રહેલા વરસાદને કારણે બચાવ કામગીરીમાં ભારે અવરોધ આવી રહ્યો છે.

આ પણ વાંચો :

સિક્કિમમાં ફસાયેલા બધા ગુજરાતી પ્રવાસીઓનું સફળ રેસ્ક્યૂ, સલામત સ્થળે ખસેડાયા

સિક્કિમ: ભારતીય સેનાનું વાહન 300 ફૂટ ઊંડી ખીણમાં ખાબકતા ચાર જવાન શહીદ