VIDEO: દિલ્હીમાં ભારત અને મલેશિયા વચ્ચેના મજબૂત સંબંધોની કડીમાં ઉમેરાયો નવો અધ્યાય
છેલ્લું અપડેટ : 15 May 2026
સોર્સ : gstv
દિલ્હીમાં ભારત અને મલેશિયા વચ્ચેના મજબૂત સંબંધોની કડીમાં એક નવો અધ્યાય ઉમેરાયો છે. મલેશિયાના વિદેશ મંત્રી મોહમ્મદ બિન હાજી હસને ભારતના વિદેશ મંત્રી એસ. જયશંકર સાથે ખાસ મુલાકાત કરી હતી. આ મહત્વપૂર્ણ બેઠક દરમિયાન બંને નેતાઓએ વેપાર, રોકાણ, સંરક્ષણ અને પ્રાદેશિક સુરક્ષા જેવા વિવિધ દ્વિપક્ષીય મુદ્દાઓ પર વ્યાપક ચર્ચા કરી હતી.
એસ. જયશંકરે આ મુલાકાતના દ્રશ્યો સોશિયલ મીડિયા પર શેર કરતા બંને દેશો વચ્ચેના ઐતિહાસિક અને સાંસ્કૃતિક સંબંધોને યાદ કર્યા હતા. આ મુલાકાતથી દક્ષિણ-પૂર્વ એશિયામાં ભારતના પ્રભાવ અને મલેશિયા સાથેના વ્યૂહાત્મક સંબંધોને નવી ગતિ મળશે. બંને દેશોએ આંતરરાષ્ટ્રીય મંચ પર એકબીજાને સહયોગ કરવાની અને પરસ્પર હિતોના રક્ષણ માટે કટિબદ્ધતા વ્યક્ત કરી હતી.
