Video: રાહુલ ગાંધીના સવાલો બાદ ઉત્તરાખંડ સરકારની લાલ આંખ: રોકાણ અંગે ભ્રામક પ્રસર કરવા બદલ સોશિયલ મીડિયા યુઝર સામે FIR નોંધાઈ

કોંગ્રેસ નેતા રાહુલ ગાંધી દ્વારા ઉત્તરાખંડ સરકારની ગ્લોબલ ઇન્વેસ્ટર્સ સમિટના રોકાણ દાવાઓ પર સવાલ ઉઠાવ્યાના એક દિવસ બાદ, દેહરાદૂન પોલીસે સોશિયલ મીડિયા પર ભ્રામક સામગ્રી ફેલાવવા બદલ સખત કાર્યવાહી કરી છે. ઉદ્યોગોના વધારાના ડિરેક્ટર મૃત્યુંજય સિંહની ફરિયાદના આધારે રાજપુર પોલીસ સ્ટેશને એકાઉન્ટ ચલાવતા કામરાન અને એક અજાણી વ્યક્તિ વિરુદ્ધ FIR નોંધી છે. ફરિયાદમાં આરોપ લગાવવામાં આવ્યો છે કે આરોપીઓ દ્વારા એક્સ અને અન્ય સોશિયલ મીડિયા પ્લેટફોર્મ પર રાજ્યમાં રોકાણ અને ઇન્વેસ્ટર્સ સમિટ વિશે સતત પાયાવિહોણી તથા ભ્રામક માહિતી ફેલાવવામાં આવી રહી છે, જેના પગલે પોલીસે કાયદેસરની તપાસ હાથ ધરી છે.