VIDEO: 'આ ઇન્ડસ્ટ્રી ભારતનું ભવિષ્ય બદલી નાખશે!' સેમિકોન 2026માં કેન્દ્રીય મંત્રી અશ્વિની વૈષ્ણવનું મોટું નિવેદન
છેલ્લું અપડેટ : 17 Sept 2026
નવી દિલ્હીમાં યોજાયેલી પ્રતિષ્ઠિત 'સેમિકોન ૨૦૨૬' સમિટ દરમિયાન કેન્દ્રીય રેલવે, ઇન્ફોર્મેશન ટેક્નોલોજી અને ઇલેક્ટ્રોનિક્સ મંત્રી અશ્વિની વૈષ્ણવે ભારતના ટેકનોલોજીકલ ભવિષ્ય અને સેમિકન્ડક્ટર ક્ષેત્ર અંગે મહત્વપૂર્ણ વાત કરી હતી. તેમણે જણાવ્યું હતું કે પ્રધાનમંત્રી નરેન્દ્ર મોદી હંમેશા દેશના લાંબા ગાળાના ભવિષ્યનો મજબૂત પાયો નાખવા પર ભાર મૂકે છે.
સેમિકન્ડક્ટર એ ભવિષ્યનો ઉદ્યોગ
કેન્દ્રીય મંત્રીએ ભારપૂર્વક કહ્યું કે સેમિકન્ડક્ટર સેક્ટર એ આગામી પેઢીનો ઉદ્યોગ છે, જે દેશના આર્થિક અને તકનીકી વિકાસ માટે અત્યંત મહત્વપૂર્ણ સાબિત થવાનો છે. વૈશ્વિક સ્તરે ભારતને ચિપ મેન્યુફેક્ચરિંગ અને ડિઝાઇન હબ બનાવવા માટે સરકાર મક્કમ પગલાં લઈ રહી છે.
પીએમ મોદીનો વિદ્યાર્થીઓ સાથે સંવાદ
અશ્વિની વૈષ્ણવે જણાવ્યું હતું કે, "આજની ઇવેન્ટ દરમિયાન પ્રધાનમંત્રીએ યુવા વિદ્યાર્થીઓ સાથે વાતચીત કરી હતી. તેઓ સતત વિદ્યાર્થીઓને પ્રેરણા આપી રહ્યા હતા અને તેમને પૂછી રહ્યા હતા કે તેઓ પોતાના ભવિષ્યને કેવી રીતે શ્રેષ્ઠ બનાવવા માંગે છે." તેમણે ઉમેર્યું કે સેમિકન્ડક્ટર ઉદ્યોગમાં સંશોધન અને નવીનતા લાવવા માટે ભારતની યુવા પેઢીનું યોગદાન સૌથી મહત્વનું રહેશે.