VIDEO: જેસલમેરમાં 'ઓપરેશન સિંદૂર' બાદ સુરક્ષા માટે ૧૧ સ્થળોએ હાઇ-ટેક ડિજિટલ સાયરનનું પરીક્ષણ
છેલ્લું અપડેટ : 30 Sept 2026
સોર્સ : gstv
રાજસ્થાનના સરહદી જિલ્લા જેસલમેરમાં 'ઓપરેશન સિંદૂર' પછી સુરક્ષા વ્યવસ્થા અને આપાતકાલીન તૈયારીઓને વધુ મજબૂત કરવાના ભાગરૂપે ૧૧ મહત્ત્વના સ્થળોએ હાઇ-ટેક ડિજિટલ સાયરન સિસ્ટમનું સફળ પરીક્ષણ કરવામાં આવ્યું છે.આધુનિક ટેકનોલોજી આધારિત આ ડિજિટલ સાયરન કટોકટીના સમયે એક જ સેન્ટ્રલ સિસ્ટમ અથવા મોબાઇલ એપ દ્વારા એકસાથે સક્રિય કરી શકાય છે, જેનાથી સમગ્ર શહેરમાં ત્વરિત એલર્ટ આપી શકાય છે.નાગરિક સુરક્ષા અને આપદા વ્યવસ્થાપન ટીમો દ્વારા સાયરનના અવાજ, તકનીકી ક્ષમતા અને પ્રતિભાવ સમયની ચકાસણી કરવામાં આવી હતી.વહિવટી તંત્રે સ્થાનિક નાગરિકોને કોઈપણ પ્રકારની અફવાઓથી દૂર રહેવા અને સુરક્ષા પ્રક્રિયાઓમાં સહયોગ આપવા અપીલ કરી છે.
