Video: જમ્મુ-કાશ્મીરના કુલગામમાં આતંકી હુમલો: નાકા પર તહેનાત CRPF જવાનો પર અંધાધૂંધ ફાયરિંગ

જમ્મુ અને કાશ્મીરમાં સુરક્ષાદળો દ્વારા સતત ચાલી રહેલા આતંકવાદ વિરોધી અભિયાનો વચ્ચે ફરી એકવાર સુરક્ષા જવાનોને નિશાન બનાવવાની કાયરતાપૂર્ણ ઘટના સામે આવી છે. દક્ષિણ કાશ્મીરના કુલગામ જિલ્લામાં બપોરના સમયે નિયમિત નાકાબંધી અને સુરક્ષા વ્યવસ્થામાં તહેનાત સેન્ટ્રલ રિઝર્વ પોલીસ ફોર્સના જવાનો પર અજાણ્યા બાઇક સવાર હુમલાખોરોએ અંધાધૂંધ ગોળીબાર કર્યો હતો. આ અણધાર્યા હુમલામાં CRPFના 2 જવાનો ઈજાગ્રસ્ત થયા છે, જેમને તાત્કાલિક સારવાર અર્થે હૉસ્પિટલ ખસેડવામાં આવ્યા છે. હુમલા બાદ સુરક્ષાદળોએ સમગ્ર વિસ્તારને ઘેરી લઈને હુમલાખોરોને પકડી પાડવા માટે મોટા પાયે સર્ચ ઓપરેશન શરૂ કર્યું છે. હુમલાખોરોએ પળવારમાં ફાયરિંગ કર્યું અને જવાનો વળતો પ્રહાર કરે તે પહેલાં જ ઘટનાસ્થળેથી બાઇક ભગાવીને ફરાર થઈ ગયા હતા.