સુપ્રીમ કોર્ટમાં મુખ્ય ચૂંટણી કમિશનર જ્ઞાનેશ કુમાર અંગે યોજાશે સુનાવણી, કોંગેસ અને સાથી પક્ષોની CECની રાજીનામાની માંગ

સુપ્રીમ કોર્ટમાં મુખ્ય ચૂંટણી કમિશનર (CEC) જ્ઞાનેશ કુમાર અંગે એક મહત્વપૂર્ણ સુનાવણી યોજાનાર છે. CEC જ્ઞાનેશ કુમારને પદ પરથી દૂર કરવાની માંગ કરતી અને કમિશનની નિર્ણય લેવાની પ્રક્રિયાને પડકારતી અરજીઓ પર ટૂંક સમયમાં કાર્યવાહી શરૂ થશે; ખાસ કરીને એવા આક્ષેપો કે અન્ય ચૂંટણી કમિશનરોની સંમતિ વિના નિર્ણયો લેવામાં આવ્યા હતા. જસ્ટિસ સૂર્ય કાંત, જસ્ટિસ જોયમાલ્યા બાગચી અને જસ્ટિસ વી. મોહનાની બનેલી બેંચ આ મામલાની સુનાવણી કરશે. અરજીઓમાં CEC વિરુદ્ધ ફોજદારી કાર્યવાહી શરૂ કરવાનો આદેશ પણ માંગવામાં આવ્યો છે.

 

જ્ઞાનેશ કુમાર વિરુદ્ધની અરજીઓમાં શું માંગ કરવામાં આવી છે?

 

આ અરજીઓમાં CEC જ્ઞાનેશ કુમાર, વરિષ્ઠ ડેપ્યુટી ચૂંટણી કમિશનરો મનીષ ગર્ગ અને સીમા ખન્ના તેમજ સત્તાવાર ફરજોના પાલનમાં બેદરકારી માટે જવાબદાર અન્ય અધિકારીઓ વિરુદ્ધ કેસ નોંધવાની માંગ કરવામાં આવી છે.

 

સુપ્રીમ કોર્ટ CEC વિરુદ્ધ દાખલ કરાયેલી અરજીઓની સુનાવણી કરવા જઈ રહી છે. જસ્ટિસ સૂર્ય કાંત, જસ્ટિસ જોયમાલ્યા બાગચી અને જસ્ટિસ વી. મોહનાની બનેલી બેંચ આ કેસની સુનાવણી કરશે.

 

સુપ્રીમ કોર્ટની મહત્વપૂર્ણ સુનાવણી પહેલાં, કોંગ્રેસ પાર્ટીએ સોમવારે જણાવ્યું હતું કે જસ્ટિસ ઉજ્જવલ ભુયાનની તાજેતરની ટિપ્પણીઓએ ચૂંટણી પંચ અને CEC જ્ઞાનેશ કુમારની પોલ ખોલી નાખી છે; પાર્ટીએ ભારપૂર્વક કહ્યું છે કે કુમાર પાસે હવે પદ પર ચાલુ રહેવાનો નૈતિક અધિકાર નથી.