VIDEO : ચંબલ નદીમાં બે ગુમ થયેલી બાળકીઓની શોધખોળ શરૂ
છેલ્લું અપડેટ : 22 Jun 2026
સોર્સ : Gstv
રાજસ્થાનના ધોલપુરમાં ચંબલ નદીમાં બે બાળકીઓના ગુમ થવાની ઘટના બાદ તંત્ર દોડતું થયું છે. આ ગંભીર બાબતને પગલે સ્ટેટ ડિઝાસ્ટર રિસ્પોન્સ ફોર્સ દ્વારા નદીમાં યુદ્ધના ધોરણે સર્ચ ઓપરેશન હાથ ધરવામાં આવ્યું છે. હાલમાં ટીમ દ્વારા બોટ અને આધુનિક સાધનોની મદદથી નદીના પટમાં બાળકીઓની શોધખોળ કરવામાં આવી રહી છે, પરંતુ હજુ સુધી કોઈ સગડ મળ્યા નથી. ઘટનાની ગંભીરતાને જોતા પોલીસે તાત્કાલિક તપાસ શરૂ કરી છે. પ્રાપ્ત માહિતી મુજબ, બાળકીઓના પિતા અને પરિવારના અન્ય સભ્યોને પોલીસ દ્વારા કસ્ટડીમાં લેવામાં આવ્યા છે અને તેમની સઘન પૂછપરછ કરવામાં આવી રહી છે. બાળકીઓ નદી પાસે કેવી રીતે પહોંચી અને ત્યાં શું ઘટના બની હતી તે દિશામાં પોલીસ તપાસ કરી રહી છે. આ ઘટનાને પગલે સમગ્ર વિસ્તારમાં ચકચાર મચી જવા પામી છે.
