VIDEO: 'ગૃહમંત્રીનું કામ ડરાવવાનું નહીં, સુરક્ષા આપવાનું છે', અમિત શાહના 'ધર્મશાળા' વાળા નિવેદન પર RJD સાંસદ મનોજ ઝાનો પલટવાર
છેલ્લું અપડેટ : 26 Aug 2026
સોર્સ : gstv
ઓડિશાના ભુવનેશ્વર ખાતે રાષ્ટ્રીય જનતા દળ (RJD)ના સાંસદ મનોજ કુમાર ઝાએ કેન્દ્રીય ગૃહમંત્રી અમિત શાહના વિવાદાસ્પદ 'ધર્મશાળા' વાળા નિવેદન પર આકરા પ્રહારો કર્યા છે. મનોજ ઝાએ ગૃહમંત્રીના શબ્દોની પસંદગી પર ભારે નારાજગી વ્યક્ત કરી હતી.
મનોજ ઝાએ અમિત શાહ પાસે માંગ્યો જવાબ
ભારત દેશ એક સદીઓ જૂનો વારસો ધરાવે છે. દેશના ગૃહમંત્રી જેવા સર્વોચ્ચ પદ પર બેઠેલી વ્યક્તિ આવા શબ્દોનો ઉપયોગ કરે તે શોભતું નથી. દેશના ગૃહમંત્રીનું મૂળ કાર્ય દેશના પ્રત્યેક નાગરિકને સુરક્ષા અને સલામતીનો અહેસાસ કરાવવાનું છે.
મનોજ ઝાએ ભારપૂર્વક જણાવ્યું કે, બંધારણીય પદો પર બેઠેલા નેતાઓએ તમામ નાગરિકોમાં વિશ્વાસ જગાડવો જોઈએ, નહીં કે તેમને અસુરક્ષિતતાનો અહેસાસ કરાવવો. દેશના લોકોને એવો અહેસાસ ન થવો જોઈએ કે તેમના ગૃહમંત્રી તેમની મૂળભૂત ચિંતાઓ, સમસ્યાઓ અને જરૂરિયાતોથી માઇલો દૂર ઊભા છે.
