VIDEO: ધેમાજીના અરુણ ચાપોરી ગામમાં પૂર બાદ ૪૦ દિવસે પણ સમસ્યાઓ યથાવત

અસમના ધેમાજી જિલ્લામાં આવેલા અરુણ ચાપોરી ગામમાં વિનાશક પૂર આવ્યાના ૪૦ દિવસ વિતી ગયા હોવા છતાં ગ્રામજનોની મુશ્કેલીઓનો અંત આવ્યો નથી. પૂરના પાણી ઓસર્યા બાદ પણ ગામમાં મોટા પ્રમાણમાં કાદવ-કીચડ, કાંપ અને રોગચાળાનો ભય વ્યાપેલો છે. રોડ-રસ્તા, પીવાના પાણીના સ્ત્રોત અને વીજળી પુરવઠો હજુ સુધી પૂર્વવત ન થતાં હજારો લોકો પ્રાથમિક સુવિધાઓથી વંચિત રહ્યા છે. કૃષિ જમીન કાંપથી ઢંકાઈ જતાં સ્થાનિક ખેડૂતોનું આર્થિક રીતે ભારે નુકસાન થયું છે અને રોજીરોટીનો ગંભીર પ્રશ્ન ઊભો થયો છે. યોગ્ય રાહત સામગ્રી અને પુનર્વસન સહાય ન મળવાના કારણે સ્થાનિક લોકોમાં વહીવટી તંત્ર સામે ભારે અસંતોષ જોવા મળી રહ્યો છે. ગ્રામજનોએ સરકાર પાસે રસ્તાનું સમારકામ અને ત્વરિત સહાય પૂરી પાડવાની માંગ કરી છે.

આ પણ વાંચો :

ગુજરાતથી અરુણાચલ જતી એકમાત્ર સ્પેશિયલ ટ્રેનમાં રેલવેનો મોટો ફેરફાર, ઈનર લાઈન પરમિટ' લાગુ થતાં જનરલ ટિકિટ નહીં મળે

VIDEO: પૂર અને ભૂસ્ખલનથી પ્રભાવિત અરુણાચલ પ્રદેશના પૌસાની જે.પી. નડ્ડાએ મુલાકાત લીધી