VIDEO: નોર્થ ઈસ્ટ ફ્રન્ટિયર રેલ્વેએ 100થી વધુ ટ્રેનોના સમયપત્રકમાં કર્યા ફેરફાર
છેલ્લું અપડેટ : 11 May 2026
સોર્સ : gstv
નોર્થ ઈસ્ટ ફ્રન્ટિયર રેલ્વેએ દિલ્હી, કોલકાતા, અગરતલા, આનંદ વિહાર, ગોમતી નગર, બેંગલુરુ અને સૈરંગ સહિતના મુખ્ય સ્થળોને જોડતી 100થી વધુ ટ્રેનોના સમયપત્રકમાં ફેરફાર કર્યા છે. આમાં મેલ, એક્સપ્રેસ, પેસેન્જર અને ડેમુ ટ્રેનોનો સમાવેશ થાય છે. ગુવાહાટી, કામાખ્યા, લુમડિંગ, ડિબ્રુગઢ, સિલચર, અગરતલા જેવા મહત્વના સ્ટેશનો પર પણ નવા સમય લાગુ કરવામાં આવ્યા છે. આ વિશે વાત કરતા રેલ્વે વિભાગના અધિકારીઓએ જણાવ્યું કે સમયસરતા વધારવા, ઓપરેશનલ વિલંબ ઘટાડવા અને મુસાફરોને વધુ સારી કનેક્ટિવિટી આપવા માટે આ ફેરફારો કરવામાં આવ્યા છે. મુસાફરોને ટ્રેન પકડતા પહેલા નવા સમયની ખાતરી કરવાની સલાહ આપવામાં આવી છે.
