VIDEO: ‘મોદી જી બ્લડ પ્રેશર ચેક કરતે રહો..., કેન્દ્ર સરકાર Gen-Zથી ડરી ગઈ છે, દેશમાં ઈમરજન્સી જેવો માહોલ’ ; CJPનો વીડિયો વાયરલ
છેલ્લું અપડેટ : 09 Oct 2026
કોકરોચ જનતા પાર્ટીએ શુક્રવારે કેન્દ્ર સરકાર પર નિશાન સાધતાં આરોપ લગાવ્યો છે કે સરકાર 'જેન-ઝી' થી ડરી ગઈ છે. CJPએ કહ્યું કે દેશમાં ઈમરજન્સી જેવી સ્થિતિ ઊભી કરી દેવામાં આવી છે. CJPએ શનિવારે જંતર-મંતર પર મોટા વિરોધ પ્રદર્શનની જાહેરાત કરી છે, પરંતુ આ પ્રદર્શન માટે દિલ્હી પોલીસે પરવાનગી આપી નથી. આ અગાઉ રાજધાની દિલ્હી છાવણીમાં ફેરવાઈ ગઈ છે. પોસ્ટર જાહેર કરીને CJP એ પ્રદર્શનકારીઓને શનિવારે સવારે 10 વાગ્યે દિલ્હીના જંતર-મંતર પર ભેગા થવાની અપીલ કરી છે. CJPના સ્થાપક અભિજિત દીપકે સરકાર પર આકરા પ્રહારો કરતાં આરોપ લગાવ્યો કે, પ્રદર્શનકારીઓને રોકવા માટે લોકોના અવર-જવર પર નિયંત્રણો લાદવામાં આવી રહ્યા છે. તેમણે કહ્યું કે, કેન્દ્ર સરકાર Gen Zથી ડરે છે.
'આટલો ડર હોય તો આખો દેશ બંધ કરી દો'
અભિજિત દીપકે જણાવ્યું કે, CJPના કાર્યકર્તાઓ શનિવારે જંતર-મંતર પર પ્રદર્શન કરવાની પોતાની યોજના પર મક્કમ છે. તેમણે સરકારને પડકાર ફેંકતા કહ્યું, 'જો તમે યુવાનોથી આટલા ડરો છો, તો આખો દેશ જ બંધ કરી દો.' તેમણે 10 ઑક્ટોબરે સવારે 4 વાગ્યાથી બપોરે 2 વાગ્યા વચ્ચે નવી દિલ્હી અને હઝરત નિઝામુદ્દીન રેલવે સ્ટેશનો પર આવતી કેટલીક મેલ અને એક્સપ્રેસ ટ્રેનો રદ કરવાના નિર્ણયની પણ ટીકા કરી હતી.
'દેશમાં ઈમરજન્સી જેવી સ્થિતિ'
દિલ્હી પોલીસે પ્રદર્શનની મંજૂરી ન આપી
ઉલ્લેખનીય છે કે CJP મુખ્ય ચૂંટણી કમિશનર જ્ઞાનેશ કુમારના રાજીનામાની માંગ કરી રહી છે. તેમનો આરોપ છે કે, SIRમાં અનિયમિતતાઓ થઈ છે. આ જ મુદ્દે વિપક્ષ પણ સતત રસ્તા પર ઉતરીને વિરોધ કરી રહ્યો છે.
