ભાજપ- જેડીએસના ઘણા નેતાઓ કોંગ્રેસમાં આવવા તૈયાર', કર્ણાટકના મુખ્યમંત્રીનો ધડાકો
છેલ્લું અપડેટ : 15 Sept 2026
કર્ણાટકમાં રાજકીય ખેંચતાણ વચ્ચે મુખ્યમંત્રી ડી કે શિવકુમારએ મોટો ધડાકો કર્યો છે. એમણે કહ્યું છે કે, ભાજપ અને જેડીએસના ઘણા નેતાઓ એમની અને કોંગ્રેસના બીજા નેતાઓ સાથે સંપર્કમાં છે. તેઓ કોંગ્રેસમાં આવવા માંગે છે. કોંગ્રેસ આ નેતાઓને પક્ષમાં લેવા તૈયાર છે. રાજકીય નીરિક્ષકો માની રહ્યા છે કે, કર્ણાટકમાં કોંગ્રેસ સત્તામાં હોવાથી સત્તા વગર રઘવાયા થયેલા બીજા પક્ષના નેતાઓ કોંગ્રેસ સાથે જોડાવા માંગે છે.
ડી કે શિવકુમારના કહેવા પ્રમાણે જિલ્લા પ્રભારી મંત્રીઓ અને જિલ્લા અધિકારીઓને આવા નેતાઓની યાદી તૈયાર કરવાની જવાબદારી આપવામાં આવી છે. એવા નેતાઓને પક્ષમાં લેવામાં આવશે કે જેઓ કોંગ્રેસ સાથે મળીને કામ કરવા તૈયાર હોય. નવી પેઢીના યુવાનો મોકો શોધી રહ્યા છે. દેશને બચાવવા માટે કોંગ્રેસ સિવાય બીજો કોઈ વિકલ્પ નથી.તેમણે જણાવ્યું હતું કે જિલ્લા પ્રભારી મંત્રીઓ અને પક્ષના હોદ્દેદારોને એવા નેતાઓની ઓળખ કરવા માટે કહેવામાં આવ્યું છે જેઓ કોંગ્રેસની વિચારધારા અને તેના ટોચના નેતૃત્વમાં વિશ્વાસ ધરાવે છે.
