Video: ખડગેની પીએમ મોદી પર આકરી ટિપ્પણીથી વિવાદ, રાજકીય ગરમાવો

પટનાના બાપુ સભાગૃહમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ વડાપ્રધાન નરેન્દ્ર મોદી અને વિવિધ રાજ્યોની સરકારો પર આકરા પ્રહારો કર્યા હતા. તેમણે પશ્ચિમ બંગાળ, બિહાર, મહારાષ્ટ્ર અને હરિયાણાની સરકારોને ‘વોટ ચોરીથી બનેલી સરકારો’ ગણાવી હતી. આ દરમિયાન એક વ્યક્તિએ ‘મોદી ક્યારેય નહીં જાય’ એવું કહેતાં ખડગેએ ગુસ્સામાં વળતો જવાબ આપ્યો હતો, જેને લઈને વિવાદ સર્જાયો છે. ખડગેએ મોંઘવારી અને ડુંગળીના વધતા ભાવનો મુદ્દો ઉઠાવી કેન્દ્ર સરકારની ટીકા કરી હતી. તેમણે સંસદની કાર્યવાહી અને રાહુલ ગાંધીને લઈને પણ ભાજપના નેતાઓ પર નિશાન સાધ્યું હતું. ખડગેનાં નિવેદન બાદ રાજકીય માહોલ ગરમાયો છે.