Video: લોકશાહી પ્રતિનિધિત્વની માંગને લઈ કારગિલ ડેમોક્રેટિક અલાયન્સે કેન્દ્રના વહીવટી પ્રસ્તાવ સામે વાંધો ઉઠાવ્યો

લદ્દાખમાં લોકશાહી પ્રતિનિધિત્વના મુદ્દે કારગિલ ડેમોક્રેટિક અલાયન્સે કેન્દ્ર સરકારના વહીવટી પ્રસ્તાવને નકારી કાઢ્યો છે. કેડીએના સહ-અધ્યક્ષ સજ્જાદ કારગિલીએ પ્રસ્તાવને ખોખલો ગણાવીને આરોપ લગાવ્યો છે કે કેન્દ્ર સરકાર લદ્દાખમાં લોકશાહીને નબળી પાડી રહી છે. તેમના જણાવ્યા અનુસાર, ગૃહ મંત્રાલય સાથેની બેઠકમાં લદ્દાખને જમ્મુ-કાશ્મીર વિધાનસભા કરતાં પણ વધુ અધિકાર ધરાવતું વિશેષ મોડેલ આપવાની આશા વ્યક્ત કરવામાં આવી હતી. જોકે, રજૂ કરાયેલો પ્રસ્તાવ લદ્દાખના લોકોની અપેક્ષાઓને અનુરૂપ નથી, તેવો કેડીએનો દાવો છે. આ મુદ્દે કેડીએ અને એપેક્સ બોડી લેહે ગૃહ મંત્રાલયને પોતાની ટિપ્પણીઓ મોકલી છે. બંને પક્ષો વચ્ચેની વાટાઘાટો હાલ અટકી છે અને ગતિરોધ માટે એકબીજાને જવાબદાર ઠેરવવામાં આવી રહ્યા છે.