VIDEO: રાજૌરીમાં મુસળધાર વરસાદ: ફ્લેશ ફ્લડમાં અનેક વાહનો તણાયા, ભારે અફરાતફરી
છેલ્લું અપડેટ : 21 Jul 2026
સોર્સ : gstv
જમ્મુ-કાશ્મીરના રાજૌરી જિલ્લામાં આકાશી આફત જેવા મુસળધાર વરસાદને કારણે સ્થિતિ અત્યંત ગંભીર બની છે. સતત વરસેલા વરસાદથી દરહાલી અને ખંડલી સહિતની સ્થાનિક નદીઓ અને નાળાઓમાં ઘોડાપૂર આવ્યા છે. અચાનક આવેલા આ ફ્લેશ ફ્લડના કારણે નીચાણવાળા વિસ્તારો, રસ્તાઓ અને રહેણાંક વિસ્તારોમાં પૂરના રૌદ્ર પાણી ફરી વળ્યા હતા. પાણીનો પ્રવાહ એટલો ઝડપી હતો કે બસ સ્ટેન્ડ અને માર્ગો પર પાર્ક કરેલી અનેક કાર, બાઇક અને અન્ય વાહનો રમકડાની જેમ પાણીમાં તણાઈ ગયા હતા. આ બનાવથી સ્થાનિક લોકોમાં ભારે અફરાતફરી મચી ગઈ હતી અને મોટું આર્થિક નુકસાન થયું છે. ઘટનાની જાણ થતાં જ SDRF, પોલીસ અને સ્થાનિક પ્રશાસનની ટીમો રાહત તેમજ બચાવ કામગીરી માટે ઘટનાસ્થળે પહોંચી ગઈ છે અને લોકોને સલામત સ્થળે ખસી જવા સૂચના અપાઈ છે.
