VIDEO: રાજૌરીમાં ભારે વરસાદથી પૂર જેવી સ્થિતિ
છેલ્લું અપડેટ : 20 Jul 2026
સોર્સ : gstv
જમ્મુ-કાશ્મીરના રાજૌરી જિલ્લા અને તેની આસપાસના વિસ્તારોમાં મોડી રાત્રે શરૂ થયેલા મસળધાર વરસાદે ભારે તબાહી મચાવી છે. અવિરત તીવ્ર વરસાદને કારણે સ્થાનિક નદી-નાળાઓમાં અચાનક પૂર આવી ગયું છે, જેના લીધે સામાન્ય જનજીવન સંપૂર્ણપણે અસ્તવ્યસ્ત થઈ ગયું છે. પૂરના ધસમસતા પાણી રહેણાંક વિસ્તારો, બજારો અને નીચાણવાળા ભાગોમાં ઘૂસી જતાં અસંખ્ય ઘરો અને વ્યાપારી મિલકતોને મોટું નુકસાન પહોંચ્યું છે. પાણીના જોરદાર પ્રવાહમાં અનેક વાહનો તણાઈ ગયા હોવાના અને રસ્તાઓ ધોવાઈ જવાના અહેવાલો પણ સામે આવ્યા છે. મુશ્કેલ પરિસ્થિતિ વચ્ચે વહીવટીતંત્ર અને ભારતીય સેના દ્વારા સંયુક્ત રીતે તત્કાલ બચાવ અને રાહત કામગીરી શરૂ કરીને ફસાયેલા લોકોને સુરક્ષિત સ્થળે ખસેડવામાં આવી રહ્યા છે. હવામાન વિભાગે આગામી દિવસોમાં પણ મુશળધાર વરસાદની ચેતવણી આપી છે.
