છત્તીસગઢની રાજધાની રાયપુરમાં સારો વરસાદ લાવવા હવનનું આયોજન કરવામાં આવ્યું

છત્તીસગઢની રાજધાની રાયપુરમાં ચોમાસું મોડું થવાને કારણે ચિંતાતુર બનેલા સ્થાનિક લોકો અને પૂજારીઓ દ્વારા ભગવાનને રિઝવવા અને સારો વરસાદ લાવવા માટે વિશેષ હવનનું આયોજન કરવામાં આવ્યું હતું. રાજ્યમાં લાંબા સમયથી વરસાદ ખેંચાતા દુષ્કાળ જેવી સ્થિતિ અને અસહ્ય ગરમીથી બચવા માટે લોકોએ આ પરંપરાગત ધાર્મિક વિધિનો સહારો લીધો છે. હવનના સામે આવેલા દ્રશ્યોમાં લોકો મંત્રોચ્ચાર સાથે આહુતિ આપતા અને મેઘરાજાને વહેલા પધારવા પ્રાર્થના કરતા નજરે પડે છે. સ્થાનિક ખેડૂતો પણ વાવણી માટે વરસાદની આતુરતાથી રાહ જોઈ રહ્યા છે, જેથી આ હવન શ્રદ્ધા અને આશાનું પ્રતીક બન્યો છે.