VIDEO: ગુરુગ્રામ: NH-48 પર બહેરામપુર નજીક રસ્તો બેસી જતાં ભારે ટ્રાફિક જામ
છેલ્લું અપડેટ : 08 Jul 2026
સોર્સ : GSTV
ગુરુગ્રામમાં મંગળવારે NH-48 પર બહેરામપુર વિસ્તારમાં રસ્તાનો એક ભાગ અચાનક બેસી જવાની ઘટના સામે આવતા ભારે અફરાતફરી મચી ગઈ હતી. સતત પડી રહેલા વરસાદને કારણે જમીનનું ધોવાણ થવાથી આ રસ્તો બેસી ગયો હોવાનું પ્રાથમિક અનુમાન છે. આ ઘટનાને કારણે દિલ્હી-જયપુર હાઈવે પર વાહનોની લાંબી કતારો લાગી ગઈ હતી અને વાહનચાલકોને ભારે હાલાકીનો સામનો કરવો પડ્યો હતો. પોલીસ અને ટ્રાફિક વિભાગની ટીમોએ ઘટનાસ્થળે પહોંચીને વાહનોને વૈકલ્પિક રૂટ પર ડાયવર્ટ કર્યા હતા. હાલમાં સુરક્ષાના ભાગરૂપે પ્રભાવિત વિસ્તારને કોર્ડન કરી દેવામાં આવ્યો છે અને સમારકામની કામગીરી યુદ્ધના ધોરણે શરૂ કરવામાં આવી છે. વહીવટીતંત્રે વાહનચાલકોને અત્યંત સાવચેતી રાખવા અને હાઈવે પરથી મુસાફરી કરતી વખતે અપડેટ્સ પર ધ્યાન રાખવા અપીલ કરી છે. હાઈવે ઓથોરિટી આ ઘટનાનું મુખ્ય કારણ જાણવા માટે તપાસ કરી રહી છે.
