VIDEO: એએમયુમાં વિદ્યાર્થી યુનિયન ચૂંટણીની માંગ
છેલ્લું અપડેટ : 02 Oct 2026
સોર્સ : gstv
ઉત્તર પ્રદેશની અલીગઢ મુસ્લિમ યુનિવર્સિટી માં વિદ્યાર્થી યુનિયનની ચૂંટણીઓ પુનઃ શરૂ કરવાની માંગ સાથે વિદ્યાર્થીઓનો વિરોધ પ્રદર્શન અને ભૂખ હડતાળ આજે ૧૧મા દિવસે પણ સતત ચાલુ રહી છે. યુનિવર્સિટી કેમ્પસમાં લોકશાહી અધિકારો અને વિદ્યાર્થી નેતૃત્વની સ્થાપના માટે આંદોલન કરી રહેલા વિદ્યાર્થીઓ વહીવટીતંત્ર સામે પોતાનો વિરોધ નોંધાવી રહ્યા છે. સતત ૧૧ દિવસથી ચાલી રહેલી આ ભૂખ હડતાળના કારણે કેટલાક વિદ્યાર્થીઓની તબિયત લથડવાની ચિંતા પણ વધી ગઈ છે. આમ છતાં, વિદ્યાર્થીઓ પોતાની માંગણીઓ પ્રત્યે અડીખમ છે અને ચૂંટણીની તારીખો જાહેર ન થાય ત્યાં સુધી આંદોલન ચાલુ રાખવાનો નિર્ણય કર્યો છે. વહીવટીતંત્ર દ્વારા સ્થિતિને શાંત પાડવાના પ્રયાસો કરવામાં આવી રહ્યા છે, પરંતુ વિદ્યાર્થીઓ માત્ર સ્પષ્ટ આશ્વાસન અને પ્રત્યક્ષ કાર્યવાહીની માંગ કરી રહ્યા છે.
