Video: દિલ્હી હાઈકોર્ટે 16 વર્ષીય દુષ્કર્મ પીડિતાને 31 અઠવાડિયાના ગર્ભપાતની મંજૂરી આપી: ગરિમાપૂર્ણ જીવન જીવવાનો અધિકાર સર્વોપરી
દિલ્હી હાઈકોર્ટે 16 વર્ષીય દુષ્કર્મ પીડિતાને 31 અઠવાડિયાનો ગર્ભ સમાપ્ત કરવાની મંજૂરી આપી દીધી છે. ન્યાયમૂર્તિ મિની પુષ્કર્ણાએ મહત્વપૂર્ણ અવલોકન કરતા જણાવ્યું કે સગીર વયની પીડિતા પર બાળકને જન્મ આપવા અને ઉછેરવાની જવાબદારી નાખવી અન્યાયી છે, કારણ કે આ મામલો માત્ર પ્રજનન અધિકારનો નથી પરંતુ ગરિમાપૂર્ણ જીવન સાથે જોડાયેલો છે. સામાન્ય કાયદા મુજબ ગર્ભપાતની મર્યાદા 24 અઠવાડિયા સુધીની હોય છે, પરંતુ આ કેસમાં ગર્ભાવસ્થા 31 અઠવાડિયાની હોવા છતાં મેડિકલ બોર્ડના અહેવાલ અને સગીરાના શ્રેષ્ઠ માનસિક હિતોને ધ્યાનમાં રાખીને અદાલતે આ મોટો અને માનવીય નિર્ણય લીધો છે.
