VIDEO: જંતર-મંતર પર લાઠીચાર્જ બાદ ગરમાવો, કયા મંત્રીને મળવા પહોંચ્યા CJP પ્રવક્તા? સોશિયલ મીડિયા પર પોતે જ કર્યો ખુલાસો
છેલ્લું અપડેટ : 20 Jul 2026
નવી દિલ્હી: રાજધાની દિલ્હીના જંતર-મંતર (Jantar Mantar) ખાતે ચાલી રહેલા વિરોધ પ્રદર્શન દરમિયાન થયેલા કથિત લાઠીચાર્જ (Lathi Charge) બાદ રાજકીય ગરમાવો વધી ગયો છે. કોકરોચ જનતા પાર્ટી (Cockroach Janata Party - CJP) ના પ્રવક્તા (Spokesperson) સૌરવ દાસે ખુલાસો કર્યો છે કે તેઓ ભારતીય જનતા પાર્ટી (BJP) ના સીનિયર નેતા જે.પી. નડ્ડા (J.P. Nadda) ને મળવા માટે જઈ રહ્યા છે. પ્રદર્શનકારીઓ અને કેન્દ્ર સરકાર વચ્ચે ચાલી રહેલા મડાગાંઠને ઉકેલવા માટે આ મહત્વપૂર્ણ બેઠક યોજાઈ રહી છે.
સોશિયલ મીડિયા પર કર્યો ખુલાસો
CJP પ્રવક્તા સૌરવ દાસે સોશિયલ મીડિયા પ્લેટફોર્મ X (અગાઉનું Twitter) પર એક પોસ્ટ શેર કરીને આ માહિતી આપી હતી. તેમણે જણાવ્યું કે તેઓ આશુતોષ રાંકા સાથે પાર્ટી તરફથી જે.પી. નડ્ડાને મળવા પહોંચી રહ્યા છે. સૌરવ દાસના જણાવ્યા મુજબ, સવારે કેન્દ્ર સરકાર (Central Government) તરફથી વાટાઘાટો (Negotiations) માટે સંપર્ક કરવામાં આવ્યો હતો, જેના આધારે આગળની ચર્ચા માટે આ મુલાકાત નક્કી થઈ છે.
https://twitterx.com/SauravDassss/status/2079091432938525117
'અમારી માંગણીઓ સ્પષ્ટ છે'
પોતાના સંદેશમાં CJP પ્રવક્તાએ ભારપૂર્વક જણાવ્યું હતું કે તેમની પાર્ટીની માંગણીઓ સંપૂર્ણપણે સ્પષ્ટ છે. તેમણે દાવો કર્યો હતો કે આ આંદોલનને (Protest Movement) વિશાળ સંખ્યામાં યુવાનોનો ટેકો મળી રહ્યો છે. તેમણે ઉમેર્યું, "મોટી સંખ્યામાં યુવાનો એકત્રિત થયા છે અને અમે અમારી ન્યાયી માંગણીઓ માટે લડત ચાલુ રાખીશું. અંતે વિજય અમારો જ થશે."
